Shkrirja e Kadastrës së Vlorës, banorët reagojnë të revoltuar: Ky është varr për ne, tani do shkretohet fare

Zhvendosja e Kadastrës së Vlorës drejt Tiranës nuk është pritur aspak mirë nga banorët e qytetit, të cilët të mbledhur para institucionit ditën e sotme shprehën shqetësimet se çështjet e tyre do zvarriten edhe më shumë, pasi edhe në institucionin aktual prej vitesh nuk merrnin zgjidhje. Ata thonë se tani do shkretohet fare dhe do bëhet më keq, pasi ka shumë largësi dhe shpenzime, përveç mundimit dhe pronat e tyre do mbeten ‘peng’. Një prej banorëve i revoltuar shprehet se ky vendim është “një varr”. “Ky është varr për neve, për Vlorën. Kemi 10 apo 15 vite me dokumente dhe nuk na shërbejnë. Jemi kundër largimit të Kadastrës, edhe pse këtu nuk marrin informacione dhe nuk na përfaqësojnë, tani do jetë edhe më keq, do...