”Tirana s’mund të jepet si qokë”/ Braçe kritika të forta: Kryeqyteti ka nevojë për ndryshim radikal në mënyrën e..

Deputeti socialist Erion Braçe nuk kurse ditën e sotme kritikat edhe për drejtimin e bashkisë së Tiranës. Gjatë një interviste televizive, Braçe tha se Tirana ka nevojë për ndryshim radikal në mënyrën e qeverisjes dhe nuk mund të jepet si qokë, me mendimin “hajde se e fitojmë”. “Jam deputet i Tiranës, ajo që mendoj është se Tirana ka nevojë për ndryshim radikal për mënyrën e qeverisjes dhe zgjedhjes së problemeve. Ky ndryshim radikal nuk bëhet duke e menduar bashkinë e Tiranës si qokë! Mendimi “Tirana e fiton” dhe hajde vendosim një atje, jo nuk bëhet ndryshimi me qokë për kulm apo majë karriere”, u shpreh Braçe