Shpreh publikisht pakënaqësitë, jep dorëheqjen sekretarja e marrëdhënieve me publikun e PD

Sekretarja e marrëdhënieve me publikun e PD Jola Hysaj, ka njoftuar dorëheqjen nga posti i saj. Në një postim të gjatë në Facebook, ajo shpreh pakënaqësi lidhur me listën e deputetëve në Durrës dhe mungesën e hapjes së partisë. “Pas më shumë se 20 vitesh angazhimi të pandërprerë në jetën politike dhe në shërbim të qytetarëve, kam marrë vendimin të jap dorëheqjen nga të gjitha pozicionet që kam mbajtur dhe që më janë besuar me votë, si edhe nga anëtarësia ime në Partinë Demokratike të Shqipërisë. Ky është një vendim i vështirë, por i domosdoshëm. Ai vjen si pasojë e një sërë zhvillimesh dhe vendimmarrjesh të njëpasnjëshme që, në gjykimin tim, janë larguar nga parimet mbi të cilat duhet të ndërtohet dhe të funksionojë një...