Rregulla të reja për “Sekretin Shtetëror”, ja si do të administrohen dhe deklasifikohen dosjet sekrete

Administrimi, transporti dhe deklasifikimi i informacioneve sekrete në Shqipëri pritet t’i nënshtrohen rregullave të reja, më të rrepta, por njëkohësisht më fleksibël për institucionet shtetërore. Autoriteti Kombëtar për Sigurinë e Informacionit të Klasifikuar (AKSIK) ka depozituar një projektligj që synon të ndryshojë ligjin bazë nr. 10/2023 “Për informacionin e klasifikuar”. Sipas relacionit shoqërues, nisma e re vjen si nevojë për të zgjidhur ngërçet e hasura në praktikë nga institucionet që prodhojnë dhe përpunojnë informacione sekrete, si dhe për të përafruar legjislacionin shqiptar me direktivat e Bashkimit Evropian për sigurinë (acquis e BE-së), shkruan rtsh.al. Delegimi i kompetencave me leje të Kryeministrit Një nga problematikat e adresuara në projektligj është pamundësia e titullarëve të institucioneve për të ushtruar të drejtën e “Autoritetit Klasifikues” në raste të...