Koçiu: Nuk tolerojmë aktet e dhunës, po hetojmë pretendimin e opozitës për gazin lotsjellës në protestën e fundit

Protesta e kësaj të premte e Partisë Demokratike është komëntuar edhe nga ministrja e Brendshme Albana Koçiu. Në një konferencë me gazetarët ajo u ndal tek njoftimi i Policisë së Tiranës e cila tha se nuk merr përsipër protestën. Sipas saj, policia nuk aprovon aktet e dhunës me Molotov, por do të garantojë rendin dhe sigurinë. “E drejta për të protestuar është e drejtë kushtetuese. Këtë ka dashur të thotë policia. Do të jetë aty të garantojë sigurinë, por nuk jep aprovime për kryerje të një proteste të tillë. Policia e shtetit nuk jep aprovim për atë që do të kryhet, nga ana tjetër do të kryejë detyrat e saj funksionale. Do të jetë aty si çdo ditë për të garantuar rendin dhe sigurinë, ama...