Deputetët e PS dhe PD bëhen bashkë: Hasi të mos preket nga reforma administrative

Teksa vendi pritet të pësojë një tjetër reformë administrativo-territoriale, në Has ka nisur rezistenca për mosprekjen e bashkisë. Edhe pse zyrtarisht tryezat e Komisionit të Posaçëm nuk ka marrë vendime finale, qytetarët, diaspora dhe intelektualët hasjanë janë bashkuar në një zë, duke  e konsideruar Hasin, një histori dhe identitet që nuk mund të tjetërsohet. Për tej ndasive politike, edhe tre deputetët e qarkut të Kukësit, Eduard Shalsi, Flamur Hoxha dhe Jusuf Çela deklaruan prerazi se nuk do të lejojnë që Hasi të humbasë statusin e tij. Sipas tyre, goditja administrative ndaj Hasit do të ishte një goditje e drejtpërdrejtë ndaj trashëgimisë së trevës. Qeveria synon që brenda korrikut të vitit 2026 të ketë gati hartën e re, me synim rritjen e efikasitetit përpara zgjedhjeve lokale...