Deklaratat e Vuçiç, Bushati: Rajoni nuk ka nevojë për narrativa lufte, Shqipëria të mos ia lërë inercisë prioritetet

Ish-ministri i Jashtëm, Ditmir Bushati, ka reaguar pas deklaratave të fundit të president serb Aleksander Vuçiç i cili konfirmoi blerjen e raketave hipersonike kineze për avionët luftarakë në kundërpërgjigje të aleancës ushtarake Shqipëri-Kosovë-Kroaci. Në një postim në rrjetet sociale, Bushati thekson se Vuçiç është rikthyer te “loja e vjetër me dy partitura”, ku një mesazh u drejtohet vendeve europiane dhe një tjetër përdoret për konsum të brendshëm politik. Sipas tij kjo qasje ka ndihmuar në ruajtjen e status quo-së në Ballkanin Perëndimor. “Vetëm pak ditë pasi Presidenti i Serbisë dhe Kryeministri i Shqipërisë botuan një artikull të përbashkët në gazetën gjermane Frankfurter Allgemeine Zeitung rreth pranimit të një anëtarësimi “të nivelit të dytë” në BE, presidenti serb është kthyer përsëri te loja e preferuar: paralajmërimi...