Banorët kundërshtojnë projektin TID/ Rama: Po keqinterpretohet! Është strategjike për të ardhmen e qytetit të Durrësit

Kryeministri Edi Rama në Podkastin “Flasim” foli për një sërë çështjesh, duke u ndalur te gjyqi në Hagë, situata politike në vend, si edhe protestat e opozitës. Ndërsa foli edhe për projektin TID në Durrës tha se po keqinterpretohet. Pjesë nga fjala e Ramës Projekti i rijetëzimit të zemrës historike të Durrësit po shoqërohet me keqinterpretime dhe keqinformime që nuk kanë të sosur, ndërkohë që realizimi i tij është me natyrë strategjike për të ardhmen e qytetit të vjetër mesdhetar dhe të Shqipërisë Europiane si një destinacion i rëndësishëm turistik në Mesdhe. Zona Arkeologjike A ku do të marrë jetë projekti, nuk është një hapësirë e zakonshme urbane dhe çdo debat pronash mbi atë zonë nuk duhet të dalë nga korniza e faktit themelor: Ajo...