Moment tronditës/ Porta e hekurit e zë poshtë, transportohet në spital 12-vjeçari

January 18, 2026 January 18, 2026 Një 12-vjeçar ka mbetur i plagosur pasi duke mbyllur portën e banesës e ka zënë poshtë. Menjëherë i mituri është transportuar në spital ku edhe ka marrë trajtim mjekësor. Grupi hetimor po punon për zbardhjen e plotë të ngjarjes. “Më datë 17.01.2026, është dërguar për mjekim nga familjarët shtetasi i mitur 12 vjeç, pasi në oborrin e banesës, në tentativë për të mbyllur portën e jashtme të oborrit, porta ka dalë nga shina dhe i ka rënë mbi vete. Aktualisht, i mituri ndodhet nën kujdesin e mjekëve. Punohet për sqarimin e rrethanave të rastit”, thuhet në njoftimin e policisë. Materialet procedurale iu referuan Prokurorisë së Tiranës, për veprime të mëtejshme.