Luciano Bardhi po sjell librin e tij të tretë – një udhëtim i thellë drejt pankreasit, organit që flet pak, por vendos shumë.

December 24, 2025 December 24, 2025 Pas dy librave që kanë hapur një dritare të re mbi zorrët dhe udhëtimin e ushqimit në trupin e njeriut, Luciano Bardhi vjen me librin e tretë, kushtuar një prej organeve më të nënvlerësuara dhe njëkohësisht më jetike të trupit: pankreasit. Ky libër nuk është thjesht një përmbledhje informacioni mjekësor. Është një rrëfim shkencor i shpjeguar me gjuhë njerëzore, një përpjekje për t’i dhënë zë një organi që punon në heshtje, por që ndikon çdo ditë në energjinë tonë, peshën trupore, sheqerin në gjak, tretjen, imunitetin dhe qetësinë mendore. Pankreasi është ura mes ushqimit dhe qelizës. Është laboratori i brendshëm që vendos nëse sheqeri hyn apo mbetet jashtë qelizës, nëse yndyrnat përthithen apo bllokohen, nëse trupi ushqehet apo lodhet. Dhe megjithatë, për të flitet shumë...