Vrasja e dyfishtë në Dukagjin, rëndohet gjendja e të plagosurit Lazër Bashi

Gjendja shëndetësore e Lazër Bashit, i cili mbeti i plagosur në ngjarjen e rëndë në fshatin Mgull të Dukagjinit, vijon të jetë e rëndë. Sipas informacionit të Policisë, në këtë ngjarje dyshohet se u vranë me armë zjarri Lekë Gjoni dhe Prel Gjoni, babë e bir, ndërsa Lazër Bashi mbeti i plagosur rëndë. Policia bëri me dije se ngjarja ndodhi rreth orës 17:20, në fshatin Mgull, Njësia Administrative Pult, në Dukagjin.