“Duam rrugë, jo premtime”/ Banorët e Luzit vijojnë protestat

Banorët e fshatit Luz i kanë dhënë për të disatën herë protestave për të kërkuar përmirësimin e rrugës kryesore të zonës. Edhe pse ditën e djeshme policia procedoi disa prej protestuesve për organizim të një proteste pa leje, banorët insistojnë se nuk do të ndalen. Ata deklarojnë se do të vijojnë tubimet deri sa kërkesat e tyre për rrugën të përmbushen.     Protestat e banorëve të Luzit reflektojnë pakënaqësinë e komunitetit ndaj gjendjes së infrastrukturës rrugore, e cila sipas tyre përbën një rrezik dhe pengesë të vazhdueshme për qarkullimin dhe jetën e përditshme.