Dëmtoi derën e shtëpisë së një gruaje, nën hetim 46-vjeçari në Gjirokastër

January 27, 2026 January 27, 2026 POLICIA E SHTETIT Specialistët për Hetimin e Krimeve në Komisariatin e Policisë Gjirokastër kanë referuar materialet në Prokurori dhe kanë nisur procedimin penal ndaj shtetasit A. C., 46 vjeç, banues në Gjirokastër. Sipas njoftimit zyrtar, 46-vjeçari dyshohet se ka dëmtuar derën e banesës së një gruaje po 46 vjeçe, me pretendimin se ajo nuk i kishte dhënë pagesën për punimet që ai kishte kryer në banesën e saj. Materialet procedurale janë referuar në Prokurorinë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme ligjore.