Aksident i rëndë pranë spitalit, dy automjete përplasen ‘kokë më kokë’ (Detaje)

Një aksident rrugor ka ndodhur pranë spitalit të qytetit të Beratit, ku dy automjete janë përplasur mes tyre duke shkaktuar dëme të konsiderueshme materiale. Siç shihet edhe nga pamjet, një automjet tip sedan me ngjyrë të bardhë ka pësuar dëmtime të shumta në pjesën e përparme, ndërsa mjeti tjetër ka dëmtime të dukshme në kofano dhe parakolp. Në vendngjarje kanë mbërritur qytetarë dhe kalimtarë të rastit, ndërsa pritet ndërhyrja e policisë për zbardhjen e plotë të rrethanave të aksidentit. Deri në këto momente nuk ka informacion zyrtar mbi persona të lënduar.