agron shehaj-belinda balluku
TIRANË- Kryetari u Kuvendit, Niko Peleshi përjashtoi nga salla e parlamentit deputetin Agron Shehaj, pasi tensioneve të shkaktuara në sallë gjatë fjalës së zv.kryeministrja Belinda Balluku. Gjatë fjalës së saj, deputeti Agron Shehaj ndërhynte me akuza, ndërsa në dorë mbante një pankartë me mbishkrimin ‘Balluku në SPAK’. Shehaj mori vazhdimisht paralajmërime nga kryetari i Kuvendit Peleshi, i cili fillimisht i hoqi të drejtën e fjalës, më pas e përjashtoi nga Kuvendi.
Shehaj i është drejtuar me tone të ashpraministres së Infrastrukturës dhe Energjisë, Belinda Ballukut, duke iu referuar statusit të saj si e pandehur nga SPAK. Në replikë, Balluku i është përgjigjur se ai do të mbetet gjithmonë një pronar call center-ash që nuk paguan dot as sigurimet shoqërore.
“O Agron nuk e bën dot politikën me selfie, duhet të dalësh në shesh të burrave e të përballesh. Kaq do ngelesh do jesh një pronar i vogël call center që nuk paguan sigurime shoqërore, që i mban ato djem e vajza me pagë minimale. Nuk bëhesh politikan me Facebook Agron, nuk jemi në call center këtu”, tha Balluku.
Sakaq, me ndërhyrjen e Ballës, u kërkua disa minua pushim, në mënyrë që të vendosej qetësia në sallë./ZËRI