Kyetari i Partisë Socialdemokrate, Tom Doshi është paraqitur në SPAK mesditën e kësaj të marte. Ai shfaqet i buzëqeshur, teksa futet brenda ambienteve të Strukturës së Posaçme Anti Korrupsion.
Ende nuk dihen arsyet e thirrjes së ish-deputetit dhe kreut të PSD, Tom Doshi, ndërsa herën e fundit në SPAK ai është paraqitur në shkurt të këtij viti.
Në atë kohë, Doshi u pyet për 90 minuta dhe pas daljes nga SPAK, tha se u pyet për zgjedhjet në Rrgozhinë më 2023, duke shpjeguar se një nga personat që ka takuar gjatë një takimi elektoral ka qenë në përgjim nga SPAK.
Doshi ka qenë deputet me PS për tri mandate, 2005, 2009, 2013. Ndërkohë edhe pse garoi në zgjedhjet parlamentare të 2021, Doshi dha dorëheqjen nga mandati i deputetit të fituar më 25 prill 2021. Por në zgjedhjet e 11 majit, Doshi doli fitues por la mandatin si përfaqësues në qarkun e Shkodrës.
Në vitin 2018, Shtetet e Bashkuara të Amerikës ia ndaluan udhëtimin në Amerikë atij dhe familjes, për shkak “të përfshirjes në korrupsion të përmasave të gjera.”