FOTO ILUSTRUESE
TIRANË-Një tjetër incident me pasojë vdekjen ka ndodhur në një kantier ndërtimi në Tiranë. 68-vjeçar, Gëzim Gërdeci i cili punonte si roje ka ndërruar jetë ditën e djeshme pasi gjatë mbylljes së portës hyrëse të objektit, është zënë poshtë prej saj. Policia njofton se ka vënë nën hetim drejtuesen teknike të firmës së ndërtimit, njëkohësisht pronare e objektit, Erilda Dhama, dhe Kujtim Kokën, pronar i kompanisë së sigurisë.
Njoftimi i policisë:
Specialistët për Hetimin e Krimeve të Komisariatit të Policisë Nr. 7 pas komunikimit me Prokurorin, nisën procedimin në gjendje të lirë për shtetasit E. Dh., 40 vjeçe dhe K. K., 69 vjeç, me detyrë drejtues teknik të një firme, pasi ditën e djeshme, shtetasi G. G., 68 vjeç, me detyrë roje në subjektin e shtetases E. Dh dhe i punësuar nga shtetasi K. K, gjatë mbylljes së portës hyrëse të objektit, është zënë poshtë prej saj. Si pasojë 68-vjeçari ka humbur jetën.
Kushtet e sigurisë në punë vijojnë të mbeten problem në Shqipëri, ku rastet fatale me humbje jete sa vijnë e shtohen./ZËRI