Fatmir Velaj
TIRANË- Emërimi i Fatmir Velajt si ambasador i Shqipërisë në Austri në vitin 2023 vijon të shkaktojë polemika, teksa në skenë tani ka ‘shpërthyer’ bomba e radhës. Ministria e Jashtme autriake kishte shfaqur dyshime edhe para emërimit të tij si ambasador në Vjenë, madje duke i dërguar një notë verbale Ministrisë së Jashtme të Shqipërisë për të nxitur një kandidat tjetër për këtë pozicion. Së fundmi, sipas një artikulli të publikuar në mediat autriake, bëhet me dije se një gjuetari i njohur i plagjiaturës, një hetuese private dhe madje edhe ish-anëtarë të shërbimit sekret shqiptar kanë hetuar për muaj të tërë rastin e ambasadorit Velaj. Në fund të hetimeve, ata konsistuan kontradikta, skandale dhe akuza që, sipas tyre, e bëjnë ambasadorin Fate Velaj të papranueshëm. Këtë herë ka dyshime edhe në lidhje me kualifikimin e tij, ku teza e masterit të Velajt rezulton një plagjiaturë. Skandali vijon me mashtrimin për ndihmën sociale, tituj të blerë deri te gjurmët për një të kaluar të mundshme në shërbime sekrete.
/ZËRI