“Kërkoni fotot e mia nudo në google”/ PD denoncon Ramën në KQZ: Kërkojmë marrjen e masave ligjore ndaj Kryeministrit

Partia Demokratike ka kallëzuar në KQZ kryeministrin Edi Rama dhe kërkon marrjen e masave ligjore ndaj tij, lidhur me deklaratën e bërë në një nga tubimet, ku mes të tjerash u tha të pranishmëve ‘kërkoni fotot e mia nudo, i keni në google nëse doni’. Në kërkesën e dërguar KQZ-së, Avokatit të Popullit dhe Komisionerit për Mbrojtjen nga Diskriminimi, PD ngre shqetësimin për “përdorimin e gjuhës seksuale, përfshirjen e fëmijëve në fushata politike dhe nxitjen e agresionit verbal ndaj shtresave të ndryshme të popullsisë nga kryeministri Edi Rama”. E djathta i referohet deklaratës së bërë nga kryeministri gjatë një takimi elektoral në 21 prill në Spille. Sipas PD-së, ky koment i Ramës përbën një shkelje të rëndë të normave morale, ligjeve në fuqi për mbrojtjen...