Moti i keq paralajmëron vërshime, IGJEO jep udhëzime për qytetarët

Kronikë E Shtunë, 22 Nëntor 2025 19:00 Instituti i Gjeoshkencave, Energjisë, Ujit dhe Mjedisit (IGJEO) njoftoi se pasditen e sotme dhe gjatë ditës së nesërme priten reshje me intensitet të lartë, të shoqëruara me shtrëngata, që për momente të shkurtra mund të shkaktojnë vërshime të ujit në zonat urbane. Rreziku varet kryesisht nga kapaciteti i sistemeve të kanalizimeve në qarqet Shkodër, Lezhë, Durrës, Elbasan, Vlorë dhe Gjirokastër. Sipas llogaritjeve hidrologjike të IGJEO-s, reshjet intensive të rëna gjatë ditëve të kaluara, të cilat do të vazhdojnë deri të dielën, 23 nëntor, pritet të shkaktojnë rritje të prurjeve në lumenjtë e mëdhenj dhe të mesëm, si Mat, Shkumbin, Seman dhe Vjosa. Sot pasdite dhe nesër priten reshje mesatare deri lokalisht intensive në qarqet Shkodër, Lezhë, Durrës, Elbasan,...