Rasti Lulzim Basha dhe precedenti Belinda Balluku

Ajo që ndodhi me zv/kryeministren dhe ministren Belinda Balluku, si precedenti i parë nga drejtësia e re, mund të bëhet udhë edhe për ministra të tjerë. Në të vërtetë, ka pasur ministër nën hetim nga Prokuroria edhe më herët: dikur, Lulzim Basha. Ai hetohej, por vazhdonte punën si ministër i Transportit. Berisha e mbajti në detyrë, ndonëse ishte nën hetim. Asokohe askush nuk foli, derisa dosja u pushua. Në rastin e Ballukut, askush nuk po thotë të mos hetohet. Dhe nuk mund të mbrohet mos hetimi! Balluku duhet të hetohet si të tjerët, por pezullimi krijon precedent jokushtetues, sepse kështu rezulton se pushteti gjyqësor mund të bëjë qeverinë, e cila ka marrë mandat popullor. SPAK mund të kishte kërkuar heqjen e imunitetit të deputetes Balluku,...