Tragjike/ Të zhdukura prej më shumë se një viti, gjenden në frigorifer trupat e nënës dhe vajzës 10-vjeçare

Pas muajsh kërkimesh intensive, autoritetet austriake kanë zbuluar trupat e pajetë të një gruaje 34-vjeçare me origjinë siriane dhe vajzës së saj 10-vjeçare, të zhdukura që nga korriku 2024 pas një udhëtimi në Dyseldorf. Trupat u gjetën të fshehura në një frigorifer të madh, të vendosur në një hapësirë të izoluar të një dhome magazinimi në një apartament në Innsbruck, Tirol. Zbulimi e ka përforcuar pistën kryesore të hetimit, e cila prej fillimit ishte përqendruar te dy vëllezër austriakë: njëri prej tyre, 55 vjeç, ishte koleg i gruas dhe dyshohet se kishte pasur një lidhje jashtëmartesore me të. Të dy burrat u arrestuan në qershor dhe qëndrojnë ende në paraburgim. Frigoriferi ku u gjetën trupat ishte vendosur në një cep të fshehur të dollapit, në...