Rumania ngre alarmin për sulmet/ Qëllohet me dron anija që transportonte gaz në kufi me Ukrainën, evakuohet gjithë fshati

Autoritetet rumune urdhëruan evakuimin e banorëve në një fshat afër lumit Danub, që formon kufirin me Ukrainën, pasi një dron thuhet se ka goditur një anije që transportonte gaz të lëngshëm natyror në anën ukrainase të lumit. Në një deklaratë të publikuar më 17 nëntor, Ministria e Mbrojtjes tha se sistemet e saj të monitorimit dhe mbikëqyrjes me radar gjithashtu kanë zbuluar dhe ndjekur objekte në hapësirën ajrore ukrainase pranë fshatit rumun. Me rrezikun e vazhdueshëm të shpërthimeve, Departamenti për Situata Emergjente tha se disa persona janë evakuuar dhe po mbahen në ndërtesën e komunës derisa të zgjidhet problemi. Zyrtarët e fshatit u shprehën se ekipet lokale të emergjencës po ndihmojnë në evakuimin e njerëzve dhe kafshëve drejt zonave më të sigurta. Ndërkaq, Ministria tha...