VIDEO/ Rrugë të përmbytura e banesa nën ujë, dy të zhdukur nga moti i keq në Itali

Moti i keq ka goditur veriun e Italisë. Dy persona rezultojnë të zhdukur që nga mëngjesi i të hënës. Bëhet fjalë për një 35-vjeçar dhe një të moshuar. Ekipet e emergjencës dhe ekipet zjarrfikëse janë angazhuar për t’i ardhur në ndihmë banorëve të zonës dhe po punojnë për të gjetur personat që rezultojnë të zhdukur. Ndërkohë një person është shpëtuar pasi ishte bllokuar në rrënoja. Si pasojë e motit të keq rrugët janë të përmbytura, banesat ndodhen nën ujë, ndërsa autoritetet kanë paralajmëruar qytetarët që të shmangin lëvizjet për shkak të motit të keq.