Të shtëna në Koplik! Qëllohet me 5 plumba makina në rrethrrotullim, shoferi largohet i plagosur

foto ilustruese SHKODËR- Është qëlluar me armë zjarri pak minuta më parë një automjet në lëvizje në aksin Shkodër- Hani i Hotit, pranë rrethrrotullimit të Koplikut. Sipas informacioneve paraprake, mjeti është goditur nga pesë plumba në pjesën e pasme, tek bagazhi. Bëhet me dije se drejtuesi i mjetit ka humbur kontrollin duke u përplasur në bordurën e një karburanti. Ai është larguar nga vendngjarja dhe dyshohet se mund të ketë mbetur i plagosur për shkak të plumbave të marrë. Forcat e policisë kanë mbërritur menjëherë në vendngjarje për të zbardhur rrethanat.  Konflikti mes dy palëve thuhet se ka filluar që nga dogana e Hanit të Hotit, ku janë përplasur fillimisht për shkak të parakalimeve dhe më pas situata ka eskaluar në përleshje me armë zjarri....