Nuk do të ngrihen akuza për vdekjen e mbikëqyrësit të ndërtesës në Brooklyn, Burim Havollit, i cili u gjet me lëndime në kokë pasi burimet policore thanë se ai ishte konfrontuar me një person që po hynte pa leje në apartament dhe po mundohej të vidhte paketat e banorëve.
Autopsia e shqiptarit zbuloi se ai vdiq si pasojë e një gjendje të mëparshme shëndetësore ndërsa Prokurori i Qarkut të Brooklynit vendosi se nuk përbënte asnjë vepër penale konfrontimi i të dyshuarit me 41-vjeçarin nga Kosova, njoftoi policia njujorkeze, NYPD.
I dyshuari që po merrej në pyetje në lidhje me vdekjen e Havollit është liruar nga paraburgimi dhe nuk do të akuzohet, thanë policia.
Vëllai mes lotësh tregon për mediat amerikane si i ndjeri ndihmonte të gjithë në Brooklyn
Theksojmë se një qytetar kishte raportuar në polici një sulm të mërkurën në 1199 Ocean Ave., në Flatbush, ku punonte Havolli.
Ai kishte trauma të mëdha në kokë kur oficerët e gjetën dhe e dërguan me urgjencë në Spitalin e Qarkut Kings, ku atje vdiq.
LEXO EDHE: Vrasja e shqiptarit në New York, arrestohet autori i dyshuar! dëshmitari: U godit nga hajduti
Hetuesit shqyrtuan një video të shkurtër nga celulari që tregonte një person duke debatuar me Havollin dhe duke u sjellë në mënyrë të çrregullt pak momente para sulmit të pretenduar, por ata nuk e klasifikuan vdekjen e shqiptarit si vrasje.
Burime më vonë thanë se mbikëqyrësi 41-vjeçar kishte një bllokim të rëndë të një arterie, raporton cbsnews.
Banorët folën me admirim për Havollin dhe i thanë CBS News New York se vjedhja e paketave është një problem në ndërtesën e tyre.
“Ai ishte i gatshëm për çdo gjë”, “Nuk kemi fjalë për ta përshkruar”, njujorkezët zemërthyer reagojnë për vrasjen e kosovarit në New York
Vëllai i tij shprehu dhimbjen për humbjen dhe kujtoi si të dy kishin mbijetuar luftën e Kosovës në vitin 1999 përpara se të shkonin në Shtetet e Bashkuara.
“E donte këtë vend. Ky vend na ndihmoi shumë”, tha Blerim Havolli.