EMRAT/ Ngritën skemë mashtruese për përfitimin e rimbursimit të TVSH, shpallen fajtorë 6 shtetas

Gjykata e Shkallës së Parë të Juridiksionit të Përgjithshëm në Tiranë ka shpallur fajtorë gjashtë shtetas dhe pesë kompani private, pas hetimeve të Prokurorisë që zbuluan një skemë të mirëorganizuar mashtrimi me TVSH, të kryer në bashkëpunim mes qytetarëve shqiptarë dhe italianë. Sipas vendimit gjyqësor, të pandehurit kanë përdorur kontrata fiktive konsulence për të përfituar në mënyrë të padrejtë rimbursime tatimore, duke falsifikuar dokumente financiare dhe duke fshehur të ardhurat. Në rolin e organizatorit të skemës rezulton shtetasi italian Andrea Emanuele di Dio, ndërsa personat Ilir Qafa, Elton Beqiraj, Salvatore Castorina, Salvatore Cascino dhe Zaho Kuka kanë bashkëpunuar në zbatimin e saj përmes disa shoqërive të krijuara posaçërisht për këtë qëllim, si “Sidec Alenergy”, “Primis”, “Gainsbourg”, “Al Nair Trading” dhe “CS International Consulting”. Sipas Prokurorisë, këto...