Makinat luksoze vidheshin “me stil” në Angli dhe dërgoheshin në Dubai, zbulohet skema që përdornin bandat kriminale

Në portin e Felixstowe, porti më i madh i kontejnerëve në Mbretërinë e Bashkuar, një oficer inspektoi ngarkesat që po transportoheshin me anije në destinacione të ndryshme nëpër botë. Më shumë se 11,000 kontejnerë kalojnë çdo ditë përmes këtij porti në Suffolk. Bandat e krimit të organizuar janë të vetëdijshme për faktin që vëmendja e policisë është kryesisht në dërgesat hyrëse, duke e bërë më të vështirë zbulimin e makinave të vjedhura që eksportohen. Megjithatë, dy kontejnerë të dyshimtë ngjallën kureshtje, duke bërë që një oficer të kërkojë shkarkimin e tyre. Një anëtar i ekipit, përdori një prerës elektrik për të hapur derën e kontejnerëve. Brenda u zbuluan tre SUV luksoze Lexus RX450, të gjitha të vjedhura nga Londra dhe të eksportuara në Dubai. Eksperti...