Aksident me vdekje në Kavajë/ Makina përplas këmbësoren, ndërron jetë 56-vjeçarja

Foto ilustruese KAVAJË- Një aksident me pasojë vdekjen u shënua këtë të dielë në rrugën “Skënderbeu”, në Golem. Policia bën me dije se një 19-vjeçar ka humbur kontrollin e mjetit dhe ka përplasur një kombësore. Për pasojë, 56-vjeçarja ka humbur jetën.  Njoftimi: Rreth orës 09:50, në rrugën “Skënderbeu”, në Golem, shtetasi R. F., 19 vjeç, banues në Kavajë, duke drejtuar automjetin e tij, dyshohet se ka humbur kontrollin mbi drejtimin e automjetit si pasojë e lagështirës në rrugë dhe ka aksidentuar këmbësoren, shtetasen Sh. Sh., 56 vjeçe. Si pasojë e aksidentit, 56 vjeçarja ka ndërruar jetë. Grupi hetimor ndodhet në vendngjarje dhe vijon punën për zbardhjen e plotë të rrethanave të aksidentit.