Dy avionë luftarakë rusë shkelin hapësirën ajrore të Lituanisë

FOTO ILUSTRUESE LITUANI-Dy avionë ushtarakë rusë hynë në hapësirën ajrore të Lituanisë, anëtare e NATO-s, për 18 sekonda. Konkretisht dy avionët, një luftëtar Su-30 dhe një tanker Il-78, ndoshta ishin në një mision stërvitjeje për furnizim me karburant kur shkelën kufirin rreth orës 15:00 GMT, duke hyrë në Lituani nga rajoni i Kaliningradit. Avionët spanjollë Eurofighter Typhoon nga misioni i Policisë Ajrore Baltike të NATO-s u ngritën në ajër në përgjigje dhe patrulluan zonën. Vetëm disa javë më parë, tre avionë luftarakë rusë MiG-31 hynë në hapësirën ajrore të Estonisë “pa leje”  javën e kaluar, duke shkaktuar një takim urgjent të NATO-s. Avionët luftarakë thuhet se fluturuan mbi ishullin Vaindloo dhe qëndruan atje për gati 12 minuta./ZËRI