‘Do të eliminojmë Hamasin, nëse shkelet armëpushimi në Gaza’, Vance shkon në Izrael pas kërcënimeve të Trump

Donald Trump deklaroi të hënën se Hamasi do të “zhduket” nëse nuk respekton marrëveshjen e armëpushimit në Rripin e Gazës, pasi Izraeli akuzoi lëvizjen islamiste palestineze për shkelje të dielën, të cilën e mohoi. “Ne bëmë një marrëveshje me Hamasin” dhe “ata do të bënin mirë ta respektonin atë dhe nëse nuk e bëjnë, ne do t’i eliminojmë , nëse është e nevojshme”, u tha presidenti amerikan gazetarëve në Shtëpinë e Bardhë, me kryeministrin australian Anthony Albanese në krah të tij. “Ata do të eliminohen dhe ata e dinë këtë”, këmbënguli ai. Nga ana tjetër, kryenegociatori i Hamasit, Khalil al-Haya, përsëriti dje në mëngjes në stacionin televiziv egjiptian Al Qahera Neës se organizata e tij mbetet e përkushtuar për të respektuar marrëveshjen. “Po përballemi me...