Analisti Fatos Lubonja, gjatë një interviste të dhënë ditën e sotme për News24, ngriti shqetësimin për situatën urbanistike dhe mungesën e hapësirave të gjelbra në Tiranë. Në vlerësimin e tij, Tirana ka degraduar në një qytet ku është thuajse e pamundur të përmbushet standardi minimal prej 18 m² gjelbërim për banor, për shkak të betonizimit të pakontrolluar dhe mungesës së një vizioni urbanistik.
Lubonja theksoi se rikthimi i kompetencave të kryebashkiakut përmes Gjykatës Kushtetuese është një domosdoshmëri për të pasur një qeverisje vendore reale dhe jo të centralizuar në duart e kryeministrit. Në këtë kontekst, ai solli në vëmendje premtimin e pambajtur të Erion Veliajt për “zero ndërtime”, duke e cilësuar si një tjetër shfaqje mashtruese për qytetarët.
Fatos Lubonja:
Pra duhet të ketë 18 metra katrorë, kemi në një Tiranë ku atje ku banoj ka apo s’ka fusha. Prapa Piazës, tani jam në Petrelë. E di sa kemi ne aty, asanjë metër katror për banorë. A mund ta kthejmë dot një Tiranë normale për ti dhënë çdo qytetari 18 m2. E pamundur. Po që të shtosh metra2 gjelbërim ,duht studim thelbësor. Duhet ribërë Tirana. Duhet projekt urbanistik, kjo kërkon moratorium për gjithë ndërtimet. Lali Eri kur tha zero ndërtime, unë thashë bravo. Pse nuk e realizoi, çështje tjetër.
Gjëja e parë që do bëja në një fushatë dhe do kërkoja nëse fitoj, kthimi përmes GJK i të drejtës së kryebashkiakut të marrë kompetencat. Kur i flisja lali Erit, i kam thënë të ka zgjedhur populli. Nuk mund t’ja japësh Ramës.