​Relievi i rrallë prej guri gëlqeror 4000-vjeçar zhduket nga nekropoli Saqqara në Egjipt

Një reliev i rrallë prej guri gëlqeror 4 mijëvjeçar që përshkruan stinët e kalendarit të lashtë egjiptian mungon nga nekropoli i famshëm i Egjiptit, Saqqara. Vjedhja u raportua nga Ministria e Turizmit dhe Antikiteteve të Egjiptit të dielën. Një mision britanik kishte punuar në varrin e Dinastisë së Pestë, i cili daton midis viteve 2500 dhe 2350 p.e.s., në Saqqara. Varri i përkiste Khenti Ka, një zyrtar i lartë që mbante tituj duke përfshirë Priftin e Perëndeshës Maat dhe Mbikëqyrësin e Pallatit Mbretëror, transmeton KosovaPress. Relievi i zhdukur përshkruan tri stinët e lashta egjiptiane Akhet (përmbytje), Peret (rritje) dhe Shemu (korrje). Ai duket se është prerë nga muri i varrit me një sharrë elektrike, sipas mediave lokale. "Nuk është thjesht një artefakt dekorativ, por një...