51-vjeçari vri*et, nipi e gjen të pajetë brenda banesës

Kronikë E Mërkurë, 24 Shtator 2025 21:04 Një person dyshohet se është vrarë me thikë mbrëmjen e kësaj të mërkure në Durrës. Viktima është Valbon Beqiraj 51 vjeç. Ky i fundit është gjetur i vdekur brenda banesës në katin e 4 të pallatit në lagjen nr.12 nga nipi i tij. Ky i fundit lajmëroi më pas policinë. Nga kqyrja paraprake, dyshohet se viktima nuk ka humbur jetën për shkaqe natyrale, por është goditur me thikë. Në vendngjarje ndodhet policia që ka bërë rrethimin e zonës dhe ka nisur hetimet për zbardhjen e krimit. Grupi hetimor po punon për të zbardhur rrethanat dhe për të identifikuar autorin/ët.