Sfidoi agjendën globaliste të ekstremit të majtë, nesër mbahet përkujtimore për aktivistin amerikan Charlie Kirk në Tiranë

Ditën e diel, më 21 shtator, në orën 18:00, përpara Universitetit të Arteve në Sheshin ‘Nënë Tereza’, do të mbahet një përkujtimore për aktivistin amerikan Charlie Kirk. Ngjarja organizohet nga 'Institute for Liberty & Heritage' dhe synon të kujtojë jetën dhe veprën e Kirk, i njohur për qëndrimet e tij ndaj çështjeve të lirisë individuale, besimit, familjes dhe patriotizmit në Shtetet e Bashkuara. Në aktivitet pritet të marrin pjesë personalitete të besimit, përfaqësues të politikës shqiptare, si dhe diplomatë, përfshirë përfaqësues nga Ambasada Amerikane në Tiranë. Gjatë përkujtimores do të transmetohet edhe ceremonia e nderimit të Kirk që zhvillohet në SHBA, me pjesëmarrjen e presidentit amerikan Donald Trump. Organizatorët e përshkruajnë këtë përkujtimore si një moment reflektimi mbi vlerat për të cilat ai u angazhua...