Itali/ Vrasja e Ilaria Sulës, Prokuroria: Nëna e autorit e ndihmoi të pastronte litra gjak

Dyshohet se pastroi dhomën ku i biri vrau 22-vjeçaren shqiptare, Ilaria Sula, duke hequr gjakun me lecka dhe detergjent. Kjo është ajo që del nga hetimi për vrasjen e së resë, më 26 mars në Romë. Nëna e Mark Samson dyshohet se ndihmoi me gjakftohtësi të hiqte gjurmët e krimit nga dyshemeja e dhomës së gjumit të 23-vjeçarit. Siç raporton “Il Messaggero”, sipas Prokurorisë, Nors Manlapaz u zotua të hiqte të gjitha gjurmët e dhunës, pa e raportuar kurrë të birin. Për këtë arsye, pavarësisht të dhënave të saj të pastra penale, Prokurorja Publike Maria Perna mohoi rrethanat lehtësuese, duke propozuar një dënim me dy vjet burg pas një marrëveshjeje për pranimin e fajësisë, duke marrë parasysh edhe uljen prej një të tretës së parashikuar...