Pësoi infarkt gjatë vizitës jozyrtare në Voskopojë, ambasadori ukrainas në Shqipëri i nënshtrohet me sukses ndërhyrjes mjekësore

Ambasadori ukrainas në Shqipëri, Volodymyr Shukrov, u nis me helikopter drejt Tiranës, pasi pësoi infarkt gjatë qëndrimit të tij në Voskopojë. Gazetarja e Top Channel Alma Demiraj bën me dije se ambasadori i është drejtuar një spitali privat në kryeqytet ku ka kryer me sukses ndërhyrjet e nevojshme, dhe ndodhet jashtë rrezikut për jetën. Ai shoqërohet nga bashkëshortja, me të cilën ndodhej në një vizitë joformale në fshatin turistik të Voskopojës, aty ku dhe u ndje keq. Pas infarktit, Shkurov, u dërgua në spitalin e Korçës dhe më pas, për një kurim më të specializuar, drejt kryeqytetit. Në helikopter për të asistuar ishte edhe një mjek nga spitali i Korçës, raportoi më herët korrespondentja e Top Channel, Dhorjela Çule. Top Channel