Bota E Diel, 7 Shtator 2025 12:49
Linjat e prodhimit të naftës ruse në Druzhba është sulmuar sërish mes natës së 6 dhe 7 shtatorit në rajonin rus Bryansk.
Kjo është bërë e ditur nga Robert “Magyar” Brovdi, komandant i forcave ukrainase, transmeton Telegrafi.
“Linja që prodhon dhe transferon naftën 8-N në Naytopovichi është sulmuar sërish”, shtoi Magyar në një postim në rrjetet sociale.
Sipas ukrainasve kjo është një pikë e rëndësisë strategjike, pasi përmes saj furnizohet me derivate makineria vrastare ruse.
Një ditë më parë një pikë tjetër kyçe e naftës ruse është goditur me dronë kamikaz nga ushtria ukrainse – duke i shkaktuar probleme të mëdha kësaj industrie në Moskë. /Telegrafi/