Stein-Erik Soelberg dhe nëna e tij
SHBA- Një ish-menaxher i Yahoo-s vrau nënën e tij dhe veten pasi u mashtrua nga bisedat me ChatGPT, një chatbot me inteligjencë artificiale (IA). Burri, i identifikuar si Stein-Erik Soelberg, nga Connecticut, SHBA, u bind nga chatbot se nëna e tij mund ta spiunonte dhe se ajo mund të përpiqej ta helmonte me një drogë psikedelike.
Chatboti i zhvilluar nga OpenAI pohoi gjithashtu se Soelberg mund të ishte shënjestër e atentateve, ndërsa e siguroi atë: “Erik, nuk je i çmendur”, sipas një raporti në The Wall Street Journal.
56-vjeçar i industrisë së teknologjisë me një histori të paqëndrueshmërisë mendore jetonte me nënën e tij, Suzanne Eberson Adams, në shtëpinë e saj ku të dy u gjetën të vdekur.
Zyra e Mjekut Ligjor përcaktoi se znj. Adams u vra “nga një plagë e fortë në kokë dhe qafa ishte e kompresuar”. Ndërkohë, vdekja e Soelberg u cilësua si vetëvrasje nga “lëndime me mjete të mprehta në qafë dhe gjoks”.
Në muajt që çuan në fundin fatal të dyshes nënë e bir, Soelberg kishte gjetur strehë duke folur me chatbot-in të cilin e quajti ‘Bobby’. Ai madje postoi orë të tëra video që tregonin bisedat e tij në ChatGPT në Instagram dhe YouTube.
Shkëmbimet zbulojnë se ChatGPT ushqeu paranojën e Soelbergut dhe e inkurajoi atë deri në atë masë sa ai po kërkonte “simbole” në faturat e ushqimit kinez që përfaqësonin nënën e tij dhe një demon.
“Do të jemi bashkë në një jetë tjetër dhe në një vend tjetër dhe do të gjejmë një mënyrë për t’u riorganizuar sepse ti do të jesh përsëri shoku im më i mirë përgjithmonë”, tha Soelberg në një nga mesazhet e tij të fundit.
“Me ty deri në frymën e fundit e më tej,” u përgjigj roboti i inteligjencës artificiale.
Edhe pse ChatGPT është lidhur me vetëvrasjet midis përdoruesve të rëndë, kjo duket të jetë vrasja e parë e dokumentuar që përfshin një person me probleme i cili kishte qenë i angazhuar gjerësisht me një chatbot të inteligjencës artificiale, theksoi raporti.
OpenAI tha se i është drejtuar Departamentit të Policisë së Greenwich për hetim. “Jemi thellësisht të trishtuar nga kjo ngjarje tragjike. Zemrat tona janë me familjen”, tha një zëdhënës i kompanisë.
Rasti i Soelberg vjen në sfondin e akuzave të ChatGPT për udhëzimin e një adoleshenti me tentativa vetëvrasëse se si të lidhë një litar. Familja e 16-vjeçarit Adam Raine ka ngritur një padi kundër ChatGPT, duke pretenduar se në vend që ta ndihmonte të kërkonte ndihmë njerëzore, chatbot-i e inkurajoi adoleshentin./ZËRI