35 mijë euro ilaçe kontrabandë, në pranga administratori i farmaci “TATA” në Tiranë

medikamentet e sekuestruara TIRANË-Administratori i farmaci “TATA” në Tiranë, Albi Hadroviq është vendosur në pranga ndërsa shitësja A. M., 33 vjeçe është vënë nën hetim pasi tregtonin ilaçe kontrabandë. Farmacia ndodhet në bulevardin Zogu i Parë, ndërsa gjatë kontrollit të ushtruar Policia gjeti ilaçe kontrabandë me vlerë 35 mijë euro. Njoftimi i policisë Finalizohet nga Sektori për Hetimin e Krimit Ekonomik dhe Financiar, operacioni policor i koduar “Medikamentet”. Tregtonte medikamente mjekësore të dyshuara të kontrabanduara, vihet në pranga 35-vjeçari, administratori i farmacisë. Procedohet penalisht shitësja, e punësuar në mënyrë të paligjshme. Sekuestrohen medikamente të ndryshme mjekësore, të dyshuara të kontrabanduara, me vlerë rreth 35 000 euro. Specialistët e Sektorit për Hetimin e Krimit Ekonomik dhe Financiar, në vijim të punës për parandalimin, evidentimin dhe goditjen e veprimtarisë kriminale...