Foto nga vendngjarja
JAPONI- Dy anije të ngarkuara me fishekzjarre për një shfaqje festivali veror pranë kryeqytetit japonez, Tokio, u përfshinë nga flakët. Një nga anijet mbante pesë punëtorë, të cilët u hodhën të gjithë në det për të shpëtuar dhe më vonë u shpëtuan, tha Byroja e Rojës Bregdetare të Yokohamës. Zjarri u përhap edhe në një anije tjetër, por nuk kishte njerëz në bord.
Mediat e huaja raportojnë se, sipas hetuesve, organizatorët e festivalit veror thanë se “humbën kontrollin e fishekzjarrëve në anije”. Ndërkohë që policia dhe roja bregdetare po hetojnë shkaqet e incidentit.
“Ne do të hetojmë plotësisht shkakun e incidentit”, tha organizatori i festivalit në një deklaratë. “Kërkojmë ndjesë sinqerisht për shqetësimin e shkaktuar.”
Uebsajti i eventit tha se rreth 20,000 fishekzjarre ishin planifikuar të hidheshin gjatë një periudhe 25-minutëshe nga ora 19:30. Megjithatë, vetëm 20 minuta pas fillimit të shfaqjes, muzika u ndal dhe pjesëmarrësit u informuan se eventi ishte anuluar për arsye sigurie./ZËRI