Ndahet nga jeta Drita Ivanaj, një figurë e shquar në ruajtjen e trashëgimisë arsimore dhe kulturore shqiptare

Fondacionet Ivanaj njoftuan këtë të mërkurë ndarjen nga jeta të Drita Ivanaj, një prej emrave më të respektuar në fushën e arsimit dhe trashëgimisë kulturore në Shqipëri. Ajo u nda nga jeta në moshën 92-vjeçare, pas një jete të tërë të përkushtuar promovimit të dijes dhe ruajtjes së vlerave kombëtare. Drita ishte vajza e Martin Ivanaj dhe mbesa e Mirash Ivanaj, dy figura me peshë në historinë e shtetit shqiptar, të njohur për kontributet në themelimin e sistemit arsimor dhe juridik të vendit. Në rrugën e tyre, ajo zgjodhi të mos qëndronte në hije, por të ndërtonte mbi trashëgiminë e tyre me përkushtim dhe vizion. Si themeluese dhe drejtore e Fondacioneve M&M Ivanaj, Drita Ivanaj kontribuoi në ringjalljen e vlerave historike të familjes së saj...