Homazhet në nder të aktores së madhe Margarita Xhepa kanë përfunduar në Teatrin Kombëtar të Operas dhe Baletit.
Arkëmorti me trupin e saj u nis drejt banesës së fundit, ku do të prehet, në Varrezat e Sharrës.
Ikona e kinematografisë shqiptare, Margarita Xhepa dha frymën e fundit një ditë më parë, disa orë pas ditëlindjes së 91-të.
Nga pamjet e siguruar nga Top Channel, familjarët, miq, kolegë, artistë dhe qytetarë të shumtë morën pjesë në homazhe.
Për dekada me radhë, ‘artistja e popullit’ portretizoi karaktere të panumërta dramatike duke mbetur përjetësisht në kujdesën e artdashësve.
Skenës nuk iu nda asnjëherë, ndihej e realizuar, sikurse shprehej në një intervistë për Top Channel një vit më parë, në 90-vjetorin e lindjes.
Margarita Xhepa lindi në 2 prill 1934 në qytetin e Lushnjës.
Ajo la pas qindra role, për të cilat u nderua me titullin “Nder i Kombit” dhe dekoratën “Gjergj Kastriot Skënderbeu”.
Megjithatë, krenarinë më të madhe të jetës konsideronte tre fëmijët që la pas, njëri prej të cilëve, Ndriçim Xhepa, ndoqi hapat e aktores, duke shkëlqyer po aq në skenën e artit shqiptar.
Top Channel