Dalin rezultatet e provimit të Maturës/ Skënder Cena “maturanti” 74-vjeçar diplomohet pasi kalon provimin e anglishtes

Maturanti më i veçantë për këtë vit në provimet e Maturës Shtetërore, 74-vjeçari Skënder Cena, sot është diplomuar pasi kaloi me sukses provimin e Anglishtes. Cena ishte shprehur ditën e provimit se do të merrte notën 6, por duket se i kaloi pritshmëritë, pasi ai është vlerësuar me notën 7. Aksidenti në rini në hidrocentralin e Fierzës, i mori pjesërisht shikimin dhe u bë pengesa e parë për vazhdimin e shkollimit, mes shumë vështirësive ekonomike. Mirëpo, kur ishte 64 vjeç, iu rikthye mësimit në shkollën profesionale në Kamëz, por mosha nuk e favorizoi në provimet e maturës. Provimin e gjuhës së huaj e kanë kryer në total 25 743 maturantë. 399 maturantë kanë marrë notën 4.00, duke mbetur, ndërsa 216 maturantë kanë arritur të marrin notën maksimale 10.00, duke rezultuar ekselentë....