Në kuadër të bashkëpunimit të ngushtë ndërmjet Interpol Tiranës dhe Interpol Romës, janë finalizuar me sukses procedurat për ekstradimin drejt Italisë të tre shtetasve shqiptarë të shpallur në kërkim ndërkombëtar. Operacioni u zhvillua si pjesë e veprimeve të përbashkëta policore ndërkombëtare, të koduara “The Wanted”.
Të ekstraduarit akuzohen për përfshirje në organizata kriminale dhe për kryerjen e veprave penale në territorin italian. Konkretisht:
Ervin Dema, 40 vjeç, i kërkuar nga Gjykata e Breshias, akuzohet për veprën penale “Trafikimi i lëndëve narkotike”, kryer në kuadër të një organizate kriminale;
Edmond Zhuja, 41 vjeç, i kërkuar gjithashtu nga Gjykata e Breshias, akuzohet për të njëjtën vepër penale “Trafikimi i lëndëve narkotike”, në kuadër të një grupi të strukturuar kriminal;
Klaus Nikolli, 33 vjeç, i kërkuar nga Gjykata e Milanos, akuzohet për veprën penale “Vjedhje në rrethana rënduese”, e kryer si pjesë e një organizate kriminale.
Ekstradimi i tyre është rezultat i një bashkëpunimi të qëndrueshëm mes autoriteteve shqiptare dhe italiane, si dhe një tjetër dëshmi e vendosmërisë për të luftuar krimin e organizuar transnacional.