Sherri në Bulqizë pas takimit të PD/ Edhe Xhelal Mziu kallëzim për zyrtarin e Bashkisë: Intimidoi pjesëmarrësit!

Pas sherrit në Bulqizë pas takimit elektoral të PD, Policia ka referuar në SPAK materialet edhe për zyrtarin e Bashkisë, Kalosh Murra për veprën penale “Pengimi i subjekteve zgjedhore”. “Specialistët për Hetimin e Krimeve të Komisariatit të Policisë Bulqizë referuan materialet në SPAK, për veprën penale “Pengimi i subjekteve zgjedhore”, për shtetasin K.M., 33 vjeç, banues në Shupenzë, pasi ndaj tij me datë 25.04.2025, ka bërë kallëzim shtetasi Xh. M., 58 vjeç, banues në Tiranë, i cili pretendon se gjatë takimit elektoral të zhvilluar nga subjekti politik “Partia Demokratike”, në fshatin Ostren, shtetasi K.M., indimidonte pjesëmarrësit në takim”, njoftoi Policia.