Lajmidites.com

Category: Shëndetësi

  • Kifle të Mbushura Plot Reçel – Të Ngrohta dhe Plot Ëmbëlsi

    Kifle të Mbushura Plot Reçel – Të Ngrohta dhe Plot Ëmbëlsi

    Kiflet janë të shijshme si në mëngjes po ashtu edhe për darkë plot ëmbëlsi.

    Të ngrohta, të buta dhe të mbushura plot me reçel receta e këtyre kifleve është shumë e thjeshtë për t’u përgatitur.
    Mjafton të ndiqni këshillat që AgroWeb.org ju ka listuar dhe do të mrekulloni të gjithë pjesëtarët e familjes me një delikatesë unike.
    Përbërësit:

    1/2 litra qumësht të vakët
    6 lugë sheqer
    16g majat ë freskët
    1 kg miell
    4 vezë
    100 ml vaj
    Reçel sipas dëshirës për mbushje
    pak kripë

    Përgatitja:
    Si fillim vendosni qumështin në zjarr të ngrohet pak, vetëm sigurohuni që të mos e nxehni shumë.
    Aty shtoni sheqerin dhe majanë e freskët dhe përziejini derisa të tretet sheqeri.
    Lëreni këtë përzierje në temperaturë ambienti derisa të aktivizohet majaja.
    Më pas në një tas të madh sitni miellin dhe shtoni pak kripë, vezët e në fund vajin.
    AgroWeb.org ju këshillon që në mes të miellit të hapni një gropëz dhe aty të hidhni përbërësit e përmendur më lart.
    Me një pirun fillimisht rrihni vezët dhe vajin dhe pastaj nisni të punoni miellin nga anët drejt mesit.
    Vazhdoni ta punoni derisa brumi të nisë të lidhet e më pas shtoni qumështin me majanë.
    Kalojeni brumin në sipërfaqen e tavolinës të spërkatur me pak miell dhe punojeni me duar që sipërfaqja e tij të jetë e lëmuar.
    Lëreni brumin që të pushoje derisa të dyfishojë volumin e tij, mund t’ju nevojitet deri në 1 orë.
    Kur të ketë kaluar koha e nevojitur ndajeni brumin në 2 pjesë dhe hapini ato në formën e një pete të trashë rresh 1 centimetër.
    Me ndihmën e një thike ndajeni petën në 8 trekëndësha.
    Në bazën e secilit vendosi nga një lugë gjelle me reçel dhe mbështillini duke i rrotulluar drejt kulmit të trekëndëshit.
    Kiflet e krijuara vendosini në një tavë ku keni shtruar letër pjekjeje apo thjesht ta keni lyer me pak vaj.
    Nëse dëshironi t’i jepni një ngjyrë të artë perfekte mund t’i lyeni sipërfaqet e tyre me të verdë veze.
    Piqini kiflet në furrë të ngrohur me 180-200 gradë për 20-25 minuta.
    Më pas lërini pak të ftohen dhe shërbejini për një shije fantastike./AgroWeb.org

  • Salmon me Perime në Furrë – Tava Perfekte për Fundjavën

    Salmon me Perime në Furrë – Tava Perfekte për Fundjavën

    Kjo është një pjatë për të cilën mund të thuhet me plot gojën që është një pjatë për merak.

    E shijshme dhe e shëndetshme, një recetë që kënaq shijen dhe nespsin tuaj më së miri.

    Por përpara se të filloni me përgatitjen e recetës, duhet të keni parasysh se salmoni është një peshk i thatë dhe me mish paksa të fortë. 

    Prandaj edhe kjo mënyrë e përgatitjes është ideale për këtë lloj peshku edhe pse kërkon pak më shumë kohë.

    Ju mund të përdorni peshk të ngrirë dhe kini parasysh që nëse peshku është i freskët, koha e pjekjes duhet të jetë më e shkurtër. 

    Peshku i freskët ka mish më të butë ndaj është gjithmonë një zgjedhje më e mirë. 

    Ju mund ta aplikoni këtë metodë për të gjitha llojet e peshkut, thjesht marinojeni peshkun 1-2 orë para përgatitjes nëse ai nuk është i thatë si salmoni.

    Përbërësit:

    1200 g salmon 

    2 qepë 

    2 karota 

    1 brokoli

    5-6 thelpinj hudhra

    7-8 kumbulla të thata pa fara
    1 limon i shtrydhur

    1 limon 

    majdanoz i freskët ose i tharë

    kripë, vegeta, borzilok, rozmarinë, piper i zi për shije

    vaj ulliri

    gjysmë gote verë e bardhë

    Përgatitja:

    Fillimisht kriposni peshkun e pastruar nga jashtë dhe nga brenda. Bëni prerje të vogla dhe përhapni të gjithë lëngun e limonit, mbi të por edhe brenda.

    Më pas lyejeni mirë me vaj dhe lëreni peshkun të marinohet i mbuluar në frigorifer deri ditën tjetër.

    Para se ta vendosni për të pjekur, skuqneni pak peshkun nga të dyja anët me pak vaj ulliri.

    Pas skuqjes, AgroWeb.org ju këshillon që në një tavë për pjekje vendosni në qendër salmonin dhe përreth perimet e pastruara dhe të prera së bashku me kumbullat e grira.

    Shtoni erëzat, hudhrat e grira dhe fetat e limonit, brenda dhe sipër peshkut.

    Hidhni përsiër vajin dhe verën e bardhë dhe vendoseni tavën e mbuluar me kapak, për t’u pjekur në 250 gradë celcius.

    Pas rreth 20 minutash, hiqni kapakun dhe piqeni edhe për 20 minuta në nxehtësi të reduktuar./AgroWeb.org

  • Speca të Mbushura me Mish të Grirë – Shije dhe Shëndet në Tryezë

    Speca të Mbushura me Mish të Grirë – Shije dhe Shëndet në Tryezë

    Recetat me speca janë fantastike në çdo mënyrë gatimi.

    Të pjekura, të skuqura, turshi e gjellë të ndryshme ato të kënaqin nepsin dhe oreksin me shijen e tyre.
    AgroWeb.org ju sjell më poshtë recetën fantastike të përgatitjes së specave të mbushura me mish të grirë apo me kimë.
    Në fakt, tradita e amvisave është ajo e përgatitjes së specave të mbushura me oriz, e cila mbetet një nga recetat më të preferuara të shqiptarëve por të mbushura me kimë, specat shndërrohen në një gatim me të vërtetë special.
    Fantastike për t’u shijuar dhe shumë të thjeshta për t’u përgatitur në shtëpi.
    Ideale për një vakt të shijshëm dreke por edhe darke, specat e mbushura kombinohen në mënyrë fantastike me sallata të freskëta të stinës por edhe me zahire të ndryshme të kuzhinës shqiptare.
    AroWeb.org u sugjeron më poshtë recetën fantastike të përgatitjes së specave të mbushura me mish të grirë.
    Specat e Mbushura me Mish të Grirë   
    Përbërësit

    5-6 speca për mbushje
    2 kokrra mesatare qepë
    250 gr mish i grirë
    kripë, piper
    1 tufë majdanoz
    3-4 kokrra mesatare domate
    Disa thelpinj hudhër
    100 gr djathë kaçkavall i grirë
    4-5 lugë salcë domatesh
    Rigon

    Përgatitja
    Specat zgjidhen me tul dhe të mëdha, lahen, u pritet bishti në formë kapaku, u hiqen farat.
    Kalohen në një skuqje të lehtë me vaj ulliri dhe vendosen me rradhë në tavë duke u hedhur pak kripë.
    Në një enë me vaj ulliri kaurdiset qepa e grirë hollë. Pasi volumi i qepës të bjerë shtoni domatet e grira hollë dhe kaurdisini për pak minuta.
    Më pas, AgroWeb.org ju udhëzon të shtoni mishin e grirë dhe hudhrat dhe kaurdiseni derisa masa të mbetet në yndyrën e saj.
    Hidhni kripën, piperin, majdanozin, rigonin dhe ujë dhe lërini të zjejnë për 15 minuta.
    Lëreni gjellën të zjejë përgjysmë, kur ta hiqni nga zjarri ajo duhet të jetë e lëngshme.
    Nëse preferoni në vend të majdazonit mund të përdorni edhe kopër.
    Me masën e përgatitur mbushni specat me rradhë.
    Nëse u tepëron nga masa e mbushjes pasi të keni mbushur specat hidhjani tavës rreth e rrotull specave bashkë me 4-5 lugë gjelle me salcë.
    Në fund tavës hidhini dhe pak kripë, pak lëng mishi ose ujë dhe futeni të piqet në furrë të parangrohur 200 gradë celsius.
    10 minuta para se të fikni furrën ku po piqen specat spërkatini me djath kaçkavalli të grirë./AgroWeb.org

  • Vetëm me 2 Përbërës – Si të Përgatisni Bonbone me Kakao Vetë në Shtëpi

    Vetëm me 2 Përbërës – Si të Përgatisni Bonbone me Kakao Vetë në Shtëpi

    Nëse ju pëlqen të përgatisni ëmbëlsira të veçanta e të shpejta, një të tillë sapo e keni gjetur.

    Në mes të bonboneve me cokollatë, biskotave me kakao dhe ëmbëlsirave kremoze, qëndron pikërisht edhe recta e sotëme nga AgroWeb.
    Të pasura me pluhur kakao dhe qumësht, këto bonbon apo cokollata të vogla që do të përgatisim sot me siguri do të ju marrin mendjen dhe zemrën që në përgatitjen e parë.
    Ndiqni mëposhtë të gjithë procesin dhe shijojini edhe ju në shtëpitë tuaja.
    Përbërësit

    350 gr qumësht i kondesuar
    30 – 40  gr kakao pluhur

    Përgatitja
    Për të nisur me përgatitjen e kësaj recete AgroWeb ju sugjeron të zgjidhni një tavë të thellë rreth 11 me 16 cm dhe ta shtoni me letër pjekje.
    Lëreni tavën mënjanë dhe vazhdoni me pjesën tjetër të përgatitjes.
    Në një enë shtoni qumështin e kondesuar dhe në një tjetër pluhurin e kakaos.
    Kini parasysh që qumështi i kondesuar duhet të jetë në tempëraturë ambienti dhe jo direkt nga frigoriferi në mënyrë që të jetë sa më i ujshëm.
    Më pas me anë të një site shtoni tek qumështi të gjithë pluhurin e kakaos dhe përzieni me spatul ose pirun.
    E gjithitë masa do të marrë formën e brumit të cilin më pas do ju duhet ta punoni me duar derisa të formoni një topth.
    Lyeni duart me shumë pak vaj dhe vazhdoni me punimin e brumit siç bëni zakonisht me brumin e byrekut.
    Nëse masa është shumë e ujshme dhe ju ngjith në duar, shtoni edhe pak pluhur kakao.
    Në rastet kur është shumë e thatë shtoni nga një lugë çaji qumësht të kondesuar derisa të arrini formën perfekte.
    Në fund duhet të jetë formuar topi i butë e i rrumbullaktë i brumit tuaj me dy përbërës.
    Për formën
    Tani merrni tavën që bëtë gati në fillim dhe shtypni në të me duar të gjithë brumin në mënyrë të barabartë derisa të keni formuar një petë të trrashë.
    Futeni të pushojnë për 1 orë në frigorifer dhe kur ta nxirrni petën hiqeni nga tava bashkë me letrën e pjekjes.
    Tregoni kujdes në mënyrë që të mos ta dëmtoni dhe spërkasni sërish me pluhur kakao nëpër të gjithë sipërfaqen.
    Me anë të një thike prisni në katrorë të vegjël e të barabartë të gjithë petën e më pas vendosini në një enë të veçantë për servirje.
    Sipas dëshirës mund t’i ruani edhe në frigorifer deri në 1 javë ose në ngrirje të mbylla për 3 muaj./AgroWeb.org

  • Përse Duhet të Shtoni Sheqer tek Brumi i Bukës?

    Përse Duhet të Shtoni Sheqer tek Brumi i Bukës?

    Në botën ku jetojmë dhe ku kosnumojmë ushqimin e përditshëm sheqeri gjendet kudo.

    Gjurmë të tij mund të gjeni në shumicën e paketimeve të ushqimeve, madje edhe tek shumë ushqime natyrale në sasi të vogla.
    I shtuar kimikisht apo natyral, sheqeri luan një rol të rëndësishëm në përgatitjen dhe ruajtjen e ushqimeve.
    Nisur nga kjo jo rrallë herë mund ta keni parë të shtuar edhe në receta të kripura, siç është buka apo gatime të tjera të brumit.
    Megjithëse është një taktikë që e ndjekin thuajse të gjithë kuzhinierët, e keni pyetur ndonjëherë veten përse?
    Në këtë artikull do të mësoni gjithçka që duhet të dini mbi këtë mënyrë të veçantë përgatitje recetash.
    Përse gatimet e kripura duan sheqer?
    Çfarë e komplikon përgatitjen e bukës është koha e gjatë e përgatitjes së saj dhe fryrja e duhur e brumit.
    Pikërisht për këtë arsye shtohet sheqeri i cili funksionon si një fryrës natyral.
    Sheqeri shton më shumë shije, zbut brumin dhe e mban bukën të freskët për një kohë më të gjatë.
    Më pak kohë për të ardhur brumi
    Kjo ndoshta është një nga arsyet më të shpeshta se përse njerëzit i shtojnë sheqer gatimeve të tyre.
    Kur i shtoni sheqer bukës, dioksidi i karbonit që ky i fundit përmban ndihmon në fryerjen e brumit në një kohë më të shkurtër.
    Një pjesë të tij buka e përfiton nga vetë mielli dhe niseshteja të cilët janë përbërës që përmbajnë sheqer, por edhe kur shtoni vetë një dozë ndihmoni në përgatitjen më të shpejtë të kësaj recete.
    Megjithatë edhe në këtë pikë kini kujdes, mos hidhni më shumë sheqer nga sa parashikon receta.
    Zakonisht nevojitet një lugë kafe ose një majë luge me sheqer, për të kryer të gjithë procesin e mësipërm.
    Teprimi me këtë sasi vepron në efektin e kundërt, duke shtuar kohën e fermentimit e duke prishur brumin e bukës tuaj.
    Më shumë shije
    Sheqeri dhe kripa janë të kundërta të njëra tjetrës, por kur bëhen bashkë sjellin vetëm një rezultat që është balanca.
    Sheqeri i shton më shumë shijes bukë stuaj dhe heq çdo shije thrtire dhe largon nivelet e larta të kripës që mund të keni shtuar aksidentalisht.
    Ngjyrë dhe butësi
    Sa herë që të shikoni një bukë të bardhë me kore shumë të errës, dijeni se ka sheqer të shtuar.
    Karamalizimi i sheqerit tek buka rezulton në ngjyrë të kaftë të errët nëpër të gjithë sipërfaqen e saj.
    Kjo metodë është ideale për bukët e vogla të cilat piqen në temperature ëtë avashtë.
    Kështu evitoni edhe djegien apo forcimin e tepërt të bukës.
    Sheqeri gjithashtu bën që buka të qëndrojë e butë pasi ndalon formimin e glutenit në të.
    Më pak gluten do të thotë brumë më i lehtë dhe më i butë.
    Më shumë freski
    Një nga arsyet e tjera të forta të shtimit të këtij përbërësi tek buka është konservimi.
    Sheqeri ndihmon në ruajtjen e bukës së freskët për një kohë më të gjatë.
    A duhet ta përdorni patjetër?
    Përtej të gjithë ndihmave që ju renditëm më lart, sheqeri nuk është një domosdoshmëri në një recetë buke.
    Mjafton ta lini brumin të fryhet për një kohë më të gjatë dhe rezultati do të jetë i njejtë.
    Kjo vlen veçanërisht nëse po kërkoni ta largoni sheqerin industrial nga dieta juaj e përditshme./AgroWeb.org

  • Mënyra Perfekte e Përgatitjes së Mishit të Kecit plot Shije

    Mënyra Perfekte e Përgatitjes së Mishit të Kecit plot Shije

    Mishi i kecit përmban nivele të ulëta yndyre dhe kolesteroli.

    Ai është i pasur me hekur dhe proteinë duke u bërë kështu një zgjedhje e shkëlqyer për ata që konsiderohen si dashamirës të mishit.
    Ky mish nuk ka dhjamë dhe është zgjedhja më e shëndetshme në krahasim me pulën, viçin dhe qengjin.
    Një sasi prej 100 gramë mish keci ofron  124 kalori, 2.6 gramë yndyrë, 0.8 nga të cilat e ngopur, 25 gramë proteinë dhe 64 mg kolesterol.
    Proteina është e rëndësishme sepse ju mban të ngopur gjatë dhe përbën një sistem mbështetës për riparimin e qelizave.
    Mishi i kecit është shumë i butë, kërkon të piqet ngadalë që të nxjerrë në pah madhështinë e vet, ka një aromë të fortë dhe përbën një nga gatimet më të mira në vendin tonë.
    Përpos të tjerave, ky mish është më i freskët dhe më i pasur në vlera, duke qenë se dhitë kullosin të lira gjithmonë në natyrë, duke marrë më të mirat e mundshme prej saj.
    Në AgroWeb.org do të mësoni si të piqni sa më shijshëm mishin e kecit me erëza.
    Mish Keci i Pjekur Me Erëza
    Merrni pjesën e kofshës së kecit dhe spërkateni me spec djegës, piper të kuq, hudhër, vaj ulliri, piper të zi dhe lëng limoni.
    Fërkojeni mishin mirë që të përthithë erëzat, mbështilleni tepsinë me qese plastike dhe mbajeni në frigorifer (jo në zonën e ngrirjes) gjatë gjithë natës.
    Të nesërmen, nxirreni mishin nga frigoriferi të paktën 30 minuta përpara gatimit.
    Ndizeni furrën në 150°C dhe mishin fërkojeni me kripë.
    Mbusheni gjysmën e tepsisë me ujë dhe mbulojeni atë me letër pjekjeje në shtresë të dyfishtë.
    Sigurohuni që ta mbështillni fort dhe më pas futeni në furrë.
    Piqeni mishin për rreth 4 orë dhe herë pas here spërkateni pjesën e sipërme të mishit me lëngun e tij.
    Kur mishi të jetë gatuar, do të shkëputet lehtë nga kocka.
    Lëreni tepsinë në temperaturë ambienti për 20 minuta. Hiqeni mishin me copa dhe servireni me salcë kosi, sallatë e turshi./AgroWeb.org

  • Përtharja e Mishit – 4 Gabime që nuk Duhet t’i Bëni Në Gatim

    Përtharja e Mishit – 4 Gabime që nuk Duhet t’i Bëni Në Gatim

    Në këtë artikull të AgroWeb.org do të mësoni një udhërrëfyes të thjeshtë për amvisat dhe dashamirësit e mishit të gatuar në mënyrë të shkëlqyer dhe mbi të gjitha të butë.
    Mishi Duhet Rrahur

    Nëse mishin e pulës, viçit, apo biftekun e hidhni direkt në skarë, tigan apo tavë, pa e rrahur më parë, atëherë ai do të dalë i thatë.
    Rrahës i mishit në formën e çekiçit është një pajisje që nuk duhet të mungojë në kuzhinën e një amviseje.
    Ai duhet përdorur për të rrahur mishin e viçit, derrit apo shpendëve dhe ka si funksion shpërbërjen e fibrave të muskujve të shtazëve dhe shpendëve të cilët janë përgjegjëse për fortësinë e mishit.
    Nëse nuk ju gjendet rrahësi i mishit mund të përdorni një petës apo një enë të rëndë, sigurisht të pastër.
    Përveç rrahësit, amvisat duhet të sigurohen që prerjen e mishit ta bëjnë në drejtim të kundërt me fijet muskulare që mishi të kafshohet lehtë dhe të jetë i butë.
    Mos Harro Marinimin
    Marinimi ndihmon në shpërbërjen e proteinave dhe fibrave të forta para se mishi të gatuhet.
    Ky është një hap thelbësor për një mish të gatuar më së miri.
    Marinimi i mishit të viçit, shpendëve apo derrit, e bën mishin më të butë dhe shumëfishon aromën.
    Marinimi duhet bërë me përbërës acidikë siç është uthulla, lëngjet e agrumeve, kosi, xhenxhefili apo edhe ananasi.
    Këto përbërës do të bëjnë që mishi i gatuar të jetë i butë në kafshim dhe në shije.
    Mishi duhet të marinohet për të paktën një orë dhe maksimumi gjithë natën.
    Ai duhet ruajtur në frigorifer dhe kurrë në temperaturë ambienti që të shmanget shumimi i baktereve të dëmshme.
    Mënyra e Gatimit Ka Shumë Rëndësi
    Mënyra e gatimit ka shumë rëndësi dhe është në varësi të llojit të mishit.
    Biftekët dhe bërxollat mund të gatuhen në skarë ose në furrë ndërkohë që nëse mishi është në copa të vogla, mënyra më e mirë është zierja, kaurdisja dhe tiganisja.
    Mishi i marrë nga një zona e shpatullës apo kraharorit përmbajnë më shumë fibra dhe kanë nevojë për më shumë kohë që të përgatiten.
    Në këtë aspekt edhe temperatura ka shumë rëndësi.
    Temperatura Minimale Për Gatimin e Mishit
    Mishi i grirë i viçit, derrit dhe qengjit ka nevojë për një temperaturë minimale prej 71 gradë celcius.
    Mishi i pulës dhe gjelit të detit  ka nevojë për një temperaturë minimale prej 75 gradë celcius
    Copat e mishit të freskët të viçit, derrit dhe qengjit kanë nevojë për një temperaturë minimale prej 65 gradë celcius.
    Këshilla e fundit, por jo për nga rëndësia, është që pas gatimit, mishi duhet lënë të ftohet lehtë dhe më pas të prihet në feta apo copa.
    Në këtë mënyrë, lëngjet e brendshme nuk do të derdhen në pjatë dhe mishi nuk do të jetë i thatë./AgroWeb.org

  • Fërgesë me Miell Misri, Gjizë dhe Hudhra – Traditë dhe Shije

    Fërgesë me Miell Misri, Gjizë dhe Hudhra – Traditë dhe Shije

    Fërgesat janë një nga shijet më fantastike që kuzhina tradicionale shqiptare ofron.

    Të përgatitura në receta të ndryshme, me perime të secilës stinë ato ofrojnë një shije unike në tryezë teksa shoqërojnë në mënyrë të shkëlqyer supa e gjellë, mishra, byrekë e gatimë të tjera të ndryshme.
    Të përgatitura me domate e speca, patëllxhanë e gjizë, apo edhe perime të tjera të gjitha kanë nga një shije të ndryshme mahnitëse.
    Ato të kënaqin nepsin dhe oreksin edhe kur shoqërohen thjeshtë me pak bukë të thekur apo me sallata të lehta të stinës.
    AgroWeb.org sjell më poshtë një recetë të veçantë të përgatitjes së fërgesës me miell misri, gjizë e hudhra. Një mënyrë fantastike për ta përgatitur në shtëpi e për ta shijuar me gjithë familjen.
     Kjo është një nga ato receta që mjafton ta përgatisësh vetëm njëherë, e më pas do bëhet me patjetër pjesë e gatimeve të amvisave në shtëpi.
     Përgatitja e Fërgesës me Miell Misri dhe Gjizë
    Përbërësit 
    (Përbërësit më poshtë janë për 4-5 persona)

    7-8 lugë gjelle me miell misri
    25 gr gjalpë të freskët (për një gatim më të shëndetshëm AgroËeb.org ju këshillon përdorimin e vajit të ullirit ekstra të virgjër)
    5-6 lugë gjellë gjizë e freskët
    4 thelpinj hudhra
    4 gota ujë
    Spec djegës pluhur
    Kripë
    Disa thelpinj arrash

    Përgatitja 
    Si fillim, AgroWeb.org ju udhëzon të vendosni një tenxhere në zjarr dhe të kaurdisni miellin e misrit me gjalpë derisa mielli të zverdhet.
    Në këtë moment, AgroWeb.org ju udhëzon të shtoni gjizën, hudhrat e shtypura, kripën, specin djegës dhe ujin.
    Përzjeini dhe lërini të ziejnë derisa masa të trashet.
    Përziejini bashkë dhe largojini nga zjarri.
    Lëreni fërgesën të ftohet pak dhe kur ta shërbeni spërkateni me disa pika gjalpë të tretur dhe disa thelpinj arrash.
    Nëse preferoni mund ta spërkasni edhe me pak majdanoz të grirë hollë.
    Kjo fërgesë fantastike shoqërohet në mënyrë të mrekullueshme me sallata të freskëta të stinës dhe mund të konsumohet në çdo vakt të ditës./AgroWeb.org

  • Sufle – Keku Magjepsës me Zemër Çokollate

    Sufle – Keku Magjepsës me Zemër Çokollate

    Një ëmbëlsirë fantastike, e cila të magjeps e të përfshin tërësisht me shijen e saj.

    Kërkon pak durim në përgatitje por rezultati i saj do t’ju kënaqë menjëherë nepsin dhe oreksin.
    AgroWeb.org sjell më poshtë recetën unike të përgatitjes së suflesë me çokollatë në shtëpi. Një mënyrë fantastike për të ëmbëlsuar veten dhe më të dashurit tuaj.
    Përgatitja e Suflesë me Çokollatë
    (Përbërësit më poshtë janë për 6-7 persona)

    150 gr çokollatë e zezë
    120 gr gjalpë i freskët
    120 gr sheqer pluhur
    3 kokrra vezë
    2 lugë gjelle me majë me miell gruri
    1 lugë çaji me vanilje
    Gjysmë luge kafeje me kripë

    Përgatitja
    Në një tenxhere ose në procesin e njohur si banjo mari, shkrijmë çokollatën e zezë bashkë me gjalpin dhe e lëmë derisa masa të bëhet kremoze dhe e lëmë mënjanë.
    Në një tas të thellë rrahim vezët, më pas shtojmë kripën, sheqerin pluhur dhe më pas miellin.
    Në fund, pasi i përziejmë të gjitha shtojmë vaniljen.
    E përziejmë të gjithë masën mirë në mënyrë që të mos mbeten kokërriza.
    Pasi masa të jetë bërë tërësisht kremoze shtojmë çokollatën e shkrirë me gjalpë dhe e përziejmë mire në mënyrë që brumi të bëhet homogjen.
    Më pas, masën e shtojmë në tasat e aluminit, në mungesë të tyre mund të përdorni kupa qelqi zjarr duruese.
    AgroWeb.org ju këshillon të bëni kujdes kur të mbushni tasat me brumin e përgatitur, mbushja duhet të jetë në masën e ¾ e tasit.
    Futini për t’i pjekur në furrën e parangrohur në 180 gradë celcius.
    Lërini të piqen për maksimumi 15 minuta derisa sipërfaqja e suflesë të ngurtësohet pak. Më pas largojini menjëherë nga furra në mënyrë që çokollata brenda ëmbëlsirës të qendrojë e shkrifët.
    Kombinimi i Suflesë me Fruta dhe Akullore
    Megjithëse është fantastike edhe pa u shoqëruar me të tjerë përbërës, sufleja me çokollatë kombinohet në mënyrë fantastike me fruta të ndryshme.
    Ajo mund të serviret me feta frutash të freskëta, siç janë luleshtrydhet, mollët apo edhe bananet.
    Ose mund të përgatisni një miks frutash dhe të servirni disa prej tyre bashkë me suflenë e çokollatës.
    Sufleja shoqërohet në mënyrë të shkëlqyer edhe me akullore me shije të ndryshme./AgroWeb.org

  • Sa Shpesh Duhet të Hani Nëse Dëshironi të Humbisni në Peshë

    Sa Shpesh Duhet të Hani Nëse Dëshironi të Humbisni në Peshë

    Studimet kanë treguar se ndarja e ushqyerjes në tre vakte nuk është një term shumë i vjetëruar nëse misioni juaj është që të humbisni në peshë.

    Sipas tyre, pretendimet se riorganizimi i vakteve nga 3 në 6 më të vogla gjatë ditës shkakton obezitet, ndonëse ndarja e vakteve është e gjitha në varësi të organizmit të individit.

    Plani I Ushqyerjes Për Rënien Nga Pesha Duhet Të Jetë Realist

    Rënia nga pesha është e arritshme kur njeriu bën një plan ushqimor që është realist dhe që realizohet në bazë të stilit të jetesës dhe nevojave të trupit.

    Nëse ju punoni 12 orë në ditë, ngrënia çdo dy orë nuk është aspak realiste.

    Rënia nga pesha është në varësi të shpenzimit ditor të energjive.

    Nëse ju merrni më pak kalori, trupi do të përdorë depozitat dhjamore dhe rrjedhimisht ju do të humbisni në peshë.

    Planifikimi i vakteve ushqimore me synim rënien nga pesha duhet bërë duke u bazuar në sasinë e saktë të djegies ditore të kalorive.

    Zbulimi i Arsyeve Përse Keni Shtuar Në Peshë Është i Rëndësishëm

    Përpara ndërmarrjes së çdo iniciative për rënien nga pesha, ekspertët nënvizojnë analizimin e faktorëve që nxitën mbipeshën në trupin tuaj.

    Stresi, stili i jetesës, mungesa e aktivitetit fizik janë disa syresh.

    Për fat të keq, shumë prej njerëzve që duan të humbasin kilogramët e tepërt, fokusohen tek ajo që duhet të hanë dhe jo tek mënyra sesi ushqehen.

    Këtu përfshihet edhe ushqyerja e pavëmendshme me telefon në dorë ose me sytë tek televizori.

    Kjo mënyrë nxit shëndoshjen dhe duhet mbajtur nën kontroll.

    Dallimi Mes Etjes Dhe Urisë

    Një nga aspektet e shtimit në peshë është fakti se njerëzit ngatërrojnë etjen me urinë, sidomos në ditët e nxehta të verës.

    Një ngatërresë e tillë çon në shëndoshjen e njeriut por edhe në dehidratim të rrezikshëm.

    Ekspertët thonë se pirja e një gote me ujë në fillim të çdo vakti ndihmon në ushqyerjen e vëmendshme dhe në rënien nga pesha./AgroWeb.org