Lajmidites.com

Category: Shëndetësi

  • Cila Është Metoda më e Mirë e Gatimit të Spinaqit?

    Cila Është Metoda më e Mirë e Gatimit të Spinaqit?

    Spinaqi është një nga barishtet më të shëndetshme dhe plot vlera për trupin e njeriut.

    Kjo barishte mund të hahet e pagatuar duke u përfshirë në sallata të ndryshme.
    Megjithatë, ka njerëz që e preferojnë spinaqin të gatuar.
    Gatimi i spinaqit ka një kleçkë. Kjo barishte është e pasur në vlera por ato janë tejet të brishta dhe të shkatërrueshme nga nxehtësia.
    Rrjedhimisht gjetja e metodës së duhur të gatimit, që i ruan këto vlera, është një domosdoshmëri për dashamirësit e kësaj barishteje.
    Ekspertët, të cilëve u referohet AgroWeb.org thonë se kaurdisja e lehtë është metoda më e mirë dhe më e shëndetshme për njeriun.
    Përse Kaurdisja Është Metoda Më e Mirë e Gatimit Të Spinaqit
    Sipas ekspertëve, kaurdisja së pari do të eliminojë lëngjet e tepërta që çliron spinaqi.
    Së dyti, falë kaurdisjes, spinaqi do të ruajë pjesën më të madhe të vlerave të barishtes.
    Hapi i parë i gatimit të kësaj barishteje është larja dhe më pas tharja.
    Sa i përket larjes, në fillim spinaqi duhet futur në një tas të madh me ujë.
    Duhet lënë për disa minuta, në mënyrë që çdo papastërti të bjerë poshtë.
    Më pas, spinaqi duhet larë gjethe më gjethe me ujë të ftohtë.
    Pas larjes, spinaqi duhet tharë me letër kuzhine.
    Për gatimin e spinaqit, zgjidhni një tigan të gjerë që është më i përshtatshmi për kavërdisje.
    Sipërfaqja e madhe do të lejojë të gjitha gjethet të gatuhen në një nivel nxehtësie dhe do të përshpejtojë avullimin e ujit.
    Në fillim duhet të hidhni një grusht spinaq dhe ndërkohë që ai rrudhet të shtoni pjesën tjetër me rradhë.
    Spinaqi ka tendencën të zbutet shpejt duke krijuar kështu hapësirën e duhur për të gjithë tufën.
    Nëse e hidhni të gjithë tufën menjëherë, një pjesë do të gatuhet shumë e një pjesë më pak.
    Në momentin që të gjitha gjethet janë gatuar mund t’i kaloni ato në një napë për të shtrydhur sa më shumë lëng.
    Lëngun mund ta përdorni për supë.
    Nëse ju pëlqen spinaqi me lëng, atëherë ruajeni lëngun duke e pasuruar me kripë, piper e erëza./AgroWeb.org

  • Dy Mënyra të Shpejta të Pastrimit të Karkalecave në Shtëpi

    Dy Mënyra të Shpejta të Pastrimit të Karkalecave në Shtëpi

    Janë padyshim një nga ushqimet më të dashura e të shijshme të detit.

    Përveç kësaj janë një burim i mirë proteinash dhe omega-3 që ndihmojnë muskujt dhe mendjen.

    Karkalecat mund t’i gjeni në lloje e madhësi të ndryshme, por ajo që i bashkon të gjithë është lëkura e fortë që i mbështjell ata.

    E për t’i shijuar siç duhet në gatime ajo preferohet të hiqet që në momentin e parë.

    Nëse po i gatuani vetë në shtëpi me siguri e dini se sa e sikletëshme është heqja e saj.

    Por kjo nuk ka përse të mbetet gjithnjë një problem, pasi shefat e kuzhinës kanë ndarë me në sekretet e veçanta të pastrimit të karkalecave.

    Ndiqini ato mëposhtë në këtë artikull dhe praktikojini sa herë që do’tju duhet të gatuani karkalecat e shijshëm të detit.

    Dy mënyra të shpejta pastrimi

    Ka dy mënyra të shpejta e të ndryshme se si mund t’i qëroni lehtë karakelcat e detit.

    Ato mund t’i pastroni me duar duke i hequr fillimisht këmbët e vogla që ndodhen në pjesën e poshtëme.

    Mjafton t’i tërhiqni me gishta dhe ato do të shkëputen lehtësisht nga pjesa tjetër e lëkurës.

    Më pas e gjithë lëvozhga e jashtëme që mbështjell trupin e karkalecit do të marrë ajër dhe do të jetë shumë e lehtë për ta larguar.

    Sipas dëshirës kokën dhe bishin mund ta lini për të lëshuar më shumë shije gjatë gatimit të recetave.

    Mënyra e dytë është ajo e përdorimit të gërshërëve e cila konsiderohet edhe si më efikase në pastrim.

    Filloni duke e prerë karkalecin në pjesën e sipërme të kurrizit nga fillimi në fund.

    Në këtë mënyrë e gjithë shtresa e fortë do të bjerë lehtësisht pa lënë papastërti tek karkaleci juaj.

    A duhet t’i pastroni edhe brenda?

    Karkalecat nuk kanë nevojë të pastrohen nga brenda si peshqit, por një ndërhyrje të vogël në trupin e tyre është e këshillueshme që ta bëni.

    Në pjesën e lartëme të harkut ose kurrizit ndodhet trakti tretës, i cili këshillohet të hiqet para se t’i gatuani e t’i konsumoni.

    Ngjan si një venë e holle të cilën mund ta largoni lehtësisht duke e prerë me thikë pjesën e sipërme të karkalecave.

    Megjithëse nuk konsidoret si e dëmshme për shëndetin, ekspertët e kuzhinës thonë se mund të ndikojë në shije.

    Duke i bërë karkalecat tuaj më të athët se zakonisht.

    Pasi të keni mbaruar me këto metoda pastrimi, kalojini në ujë të pastër dhe bëjini gati për recetën e e rradhës./AgroWeb.org

  • Qofte Shtëpie me Oriz – Receta më e Veçantë e Traditës

    Qofte Shtëpie me Oriz – Receta më e Veçantë e Traditës

    Qoftet janë një nga gatimet më të njohura të traditës e jo vetëm në Shqipëri, por në të gjithë zonën e Ballkanit.

    Në të shumtën e rasteve mund t’i gjeni të përgatitura me mish e erëza dhe shija e tyre nuk ka të krahasuar.

    Megjithatë ky gatim qindravjeçar është sofistikuar me kalimin e kohës, shpesh mund të keni hasur qoftet me perime, me patate, lulelakër apo brokoli.

    Edhe kjo mënyrë e përgatitjes së tyre mund të themi që nuk mbetet aspak pas për nga shija e mirë.

    Në recetën e sotme AgroWeb.org ju sugjeron sërish një mënyrë të re, sa të lehtë në përgatitje ashtu edhe të mrekullueshme për t’u provuar.

    Qoftet me oriz do të kthehen në gatimin tuaj të çdo rasti dhe në shijen më të preferuar të çdo vakti.

    Ndiqni më poshtë mënyrën e saktë të përgatitjes së tyre në vetëm pak minuta sipas këshillave të AgroWeb.org.

    Përbërësit

    300 gr oriz i bardhë

    200 gr djathë i bardhë

    2 vezë

    2 thelpinj hudhër

    150 gr bukë e thekur e grirë

    piperi i zi

    kripë

    nenexhik i thatë apo majdanoz

    vaj për skuqje

    Përgatitja

    Për të nisur me përgatitjen e kësaj recete AgroWeb.org ju sugjeron të filloni me zierjen e orizit.

    Më pas kullojeni dhe hidheni në një enë të thellë.

    Shtoni aty djathin e bardhë të grirë, vezët, kripë, thelpinjtë e hudhrës së grirë, piper të zi, nenexhik të thatë apo erëza të tjera sipas dëshirës tuaj.

    Përziejini mirë me dorë të gjithë përbërësit, derisa të formohet një masë e njetrajtshme dhe kompakte.

    Do të duket si një brumë i madh orizi.

    Formoni me duar ose me një lugë gjelle toptha të vegjël të rrumbullakët, njësoj si qoftet normale me mish.

    Më pas kalojini në një pjatë dhe sperkatini me bukën e thekur të grirë në të gjitha anët e tyre.

    Ndërkohë, vendosni një tigan në zjarr me pak vaj për skuqje dhe kur vaji të fillojë të nxehet, shtoni një nga një qoftet.

    Skuqini mirë nga të gjitha anët derisa të marrin ngjyrë të artë e më pas kalojini në një pjatancë të veçantë.

    Shërbejini të ngrohta ose të ftohta, duke i shoqëruar me salcë kosi, gjizë apo sallatra të ndryshme./AgroWeb.org

  • 10 Ushqime të Zakonshme që Mund të Jenë Shumë Helmuese

    10 Ushqime të Zakonshme që Mund të Jenë Shumë Helmuese

    Shumë ushqime që i konsumojmë në përditshmëri vijnë me disa rreziqe për të cilat mund të mos jeni të vetëdijshëm. Në këtë artikull AgroWeb.org ju njeh me disa prej tyre në mënyrë që të shmangni mundësinë për t’u helmuar.
    Bërthamat e qershive

    Bërthamat e qershive janë plot me acid prusik, i njohur edhe si cianid, i cili është helmues. Por nuk ka nevojë të shqetësoheni nëse gëlltitni aksidentalisht një prej tyre. Nëse ato nuk janë të çara, thjesht kalojnë nëpër sistemin tuaj tresës derisa dalin nga organizmi.
    Farat e mollës

    Farat e mollës kanë gjithashtu cianid, kështu që bëni mirë të shmangni konsumin e tyre. Për fat të mirë, farat e mollës kanë një shtresë mbrojtëse që pengon cianidin të hyjë në sistemin tuaj tretës nëse i hani ato aksidentalisht. Por është mirë të tregoheni të kujdesshëm. Edhe në doza të vogla, cianidi mund të shkaktojë simptoma.
    Shtogu

    Ju mund ta konsumoni shtogun si shurup ose suplement për të forcuar sistemin tuaj imunitar dhe për të trajtuar simptomat e ftohjes ose gripit ose kapsllëkun. Por ngrënia e kokrrave të papjekura, mund t’ju bëjë të ndiheni keq. Ato kanë lektinë dhe cianid, dy kimikate që mund të shkaktojnë të vjella dhe diarre.
    Arrëmyshku

    Arrëmyshku i shton një aromë të këndshme gatimeve tuaja. Por nëse konsumoni sasi të mëdha, ai mund të shkaktojë probleme në shëndetin tuaj. Edhe 2 lugë çaji mund të jenë toksike për trupin për shkak të pranisë së një përbërësi që mund të shkaktojë halucinacione, përgjumje, marramendje, konfuzion dhe kriza.
    Patatet jeshile

    Gjethet, filizat dhe zhardhokët e patateve përmbajnë një substancë toksike të quajtur glikoalkaloid. Glikoalkaloidet e bëjnë një patate të duket e gjelbër kur ekspozohet ndaj dritës, kur dëmtohet ose plaket. Ngrënia e patateve me përmbajtje të lartë glikoalkaloid mund të shkaktojë të përzierja, diarre, konfuzion, dhimbje koke dhe madje edhe vdekje.
    Fasulet e kuqe

    Nga të gjitha varietetet e fasules, fasulet e kuqe të papërpunuara kanë përqendrimin më të lartë të lektinave. Lektinat janë një toksinë që mund t’ju shkaktojë dhimbje stomaku, të vjella ose diarre. Duhen vetëm 4-5 fasule të papërpunuara për të shkaktuar këto efekte anësore, prandaj është më mirë të zieni fillimisht.
    Bajamet e hidhura

    Të dy llojet e bajameve të hidhura dhe të ëmbla, kanë amigdalinë, një përbërje kimike që mund të shndërrohet në cianid, por bajamet e hidhura kanë nivelet më të larta. Bajamet e ëmbla janë të sigurta për t’u konsumuar, por ngrënia e bajameve të hidhura të patrajtuara mund të shkaktojë ngërçe, vjellje dhe diarre.
    Kërpudhat

    Mund të jenë të shkëlqyera për gatime, por kujdes nga disa kërpudha që gjenden në natyë. Dy lloje janë veçanërisht të dëmshme Amanita phalloides dhe Amanita virosa. Konsumi i këtyre kërpudhave të egra mund të shkaktojë dhimbje barku, diarre dhe të vjella, dehidrim, etje të fortë, mosfunksionim të mëlçisë, koma dhe vdekje.
    Shqema të papërpunuara

    Shqema që blini në dyqane përpunohen paraprakisht për të hequr një toksinë të pranishme në to që mund të shkaktojë një sërë reaksionesh në organizëm.
    Mangot

    Lëkura dhe gjethet e mangos përmbajnë përbërës helmues. Nëse jeni alergjik kafshimi i mangos mund të shkaktojë një reagim të rëndë me ënjtje, skuqje dhe madje edhe probleme me frymëmarrjen. /AgroWeb.org
     

  • Salcë Kosi me Arra dhe Mish Pule – Si të Përgatisni Recetën me Shije të Lehtë

    Salcë Kosi me Arra dhe Mish Pule – Si të Përgatisni Recetën me Shije të Lehtë

    Kjo është një sallatë e veçantë, me një shije perfekte të kombinuar nga salca e kosit, majoneza, mishi i pulës dhe arrat.

    Kërkon pak kohë në përgatitja por të kënaq nepsin dhe oreksin me shijen.

    Është ideale për t’u përgatitur në çdo kohë e sidomos kur shtëpinë e vizitojnë miq e mysafirë.

    Është një shoqëruese fanatstike e gatimeve të ndryshme, mishrave apo peshkut, gjellëve por edhe byrekëve të shijshëm të shtëpisë.

    Është fantastike për t’u konsumuar edhe thjeshtë me bukë të thekur apo bukë ngrohtë gruri apo misri.

    Përgatitja e mishit të pulës me salcë kosi dhe arra  

    Përbërësit

    Pjesa e gjoksit të një pule të majme (ose një fileto pule e madhe)

    200 gr salcë kosi

    2 lugë gjelle majonezë

    2-3 thelpinj hudhër

    5-6 lugë gjelle me arra të thërrmuara

    Vaj ulliri

    Kripë

    Përgatitja

    Si fillim, AgroWeb.org ju këshillon të pastroni mishin e pulës dhe ta vendosni në një tenxhere të vogël, hidhni ujë deri sa të mbulohet, shtoni pak kripë dhe vendoseni në zjarr të ziejë derisa të zbutet.

    Bashkoni në një tas të vogël salcën e kosit me majonezën duke i trazuar të dyja bashkë derisa masa të bëhet homogjene.

    Më pas, shtoni aty hudhrat e shtypura si dhe arrat e thërrmuara dhe përziejini derisa masa të njëtrajtësohet.

    Më pas mishin e pulës bashkojeni me salcën e përgatitur më sipër, provojeni nëse ka kripë sa duhet, shtoni pak vaj ulliri, përziejeni dhe vendoseni në frigorifer për dy apo tre orë.

    Më pas është gati për t’u shijuar. /AgroWeb.org

  • Krem i Ngrohtë me Çokollatë dhe Vanilje – Ëmbëlsi e Parezistueshme

    Krem i Ngrohtë me Çokollatë dhe Vanilje – Ëmbëlsi e Parezistueshme

    Pudingu është një ëmbëlsirë të cilës nuk mund t’i rezistosh dot.

    Ai është një mënyrë shumë e mirë për të përmbyllur një vakt dhe shija e tij gjithmonë kënaq fëmijë e të rritur.
    Studimet kanë treguar se ëmbëlsirat e bëjnë njeriun të lumtur.
    Kjo vjen falë karbohidrateve që nxisin trurin të prodhojë substanca si serotonina që rrisin ndjesitë dhe emocionet pozitive.
    Studimet kanë treguar se pudingu krahas ëmbëlsirës xhelatonize është ëmbëlsira më e rekomanduar kur jeni me probleme shëndetësore .
    Kur humbasim oreksin, e kemi më të lehtë t’i gëzohemi një ushqimi të pasur në sheqerna dhe karbohidrate dhe të fusin diçka në gojë.
    Shijet e pudingut janë të larmishme dhe secila prej tyre ka shumë dashamirës.
    Në këtë artikull të AgroWeb.org do të mësoni një recetë të re për përgatitjen e një pudingu të freskët e nga e para.
    Përbërësit:

    3 lugë gjelle çokollatë e zezë
    2 filxhanë e çerek qumësht të skremuar të ndarë në dy pjesë.
    Një majë luge çaji kripë,
    135 gramë sheqer të ndarë në dy pjesë
    135 gramë kakao pluhur
    1 lugë çaji vanilje pluhur
    2 lugë gjelle miell misri

    Përgatitja:
    Në një enë të përmasave mesatare grini imët çokollatën e zezë.
    Përziejini mirë me një pirun dhe më pas lëreni enën mënjanë.
    Vendosni një tenxhere mesatare në zjarr dhe në të hidhni një filxhan e gjysmë qumësht, një të tretën e sheqerit dhe kripën.
    Përziejini së bashku herë pas here deri sa qumështi të marrë valë.
    Në një enë tjetër përzieni pjesën e mbetur të sheqerit, kakaon pluhur dhe miellin e misrit.
    Më pas shtoni pjesën e mbetur të qumështit dhe përziejini të gjithë përbërësit mirë deri sa të formohet një masë e njëtrajtshme.
    Këtë të fundit duhet ta hidhni në tenxheren ku keni zier qumështit dhe lëreni të valojë në temperaturë mesatare duke e përzier vazhdimisht për rreth tre minuta deri sa e gjithë masa e ëmbëlsirës të marrë trashësinë e duhur.
    Më pas hiqeni tenxheren nga zjarri.
    Më pas, merrni një filxhan nga kakaoja e nxehtë dhe hidheni tek ena ku keni lënë pluhurin e farave të linit dhe kafesë.
    Përziejeni mirë dhe hidheni të gjithë masën ngadalë në tenxhere.
    Vendoseni sërish në zjarr dhe përziejeni pudingun ngadalë dhe në mënyrë të qëndrueshme deri sa pudingu të marrë trashësinë e duhur për rreth 2 minuta.
    Pudingu nuk duhet lënë të valojë.
    Shtoni vaniljen, hiqni tenxheren nga zjarri dhe servireni të ngrohtë/AgroWeb.org

  • Tavë Kosi me Mish Pule – Si të Përgatisni Recetën me Shije të Përsosur

    Tavë Kosi me Mish Pule – Si të Përgatisni Recetën me Shije të Përsosur

    Kjo është receta e një gatimi special që mbush shtëpinë me aromë të mrekullueshme, e gjithashtu me dëshirën për ta shijuar me njëherë.

    AgroWeb.org ju sjell më poshtë mënyrën e thjeshtë të përgatitjes së këtij gatimi të mrekullueshëm në shtëpi.
    Përbërësit 

    1 pulë e freskët ose 4-5 thela mish pule
    150 gramë gjalpë (për një gatim më të shëndetshëm, AgroWeb.org ju këshillon përdorimin e vajit të ullirit)
    4 kokrra vezë të freskëta
    1200 ml kos i freskët
    4 lugë gjelle miell
    2 lugë gjelle me oriz
    Kripë
    Piper
    Majdanoz

    Përgatitja e Mishit
    Si fillim bëjmë gati mishin e pulës. E pastrojmë mirë me ujë të bollshëm dhe e vendosim të prerë në copa në tavë ose nëse dëshironi pulën mund ta lini të plotë, të paprerë.
    Më pas, AgroWeb.org ju udhëzon që të gjitha copat e mishit ose pulën e plotë ta lyeni përmes një furçe me gjalpë të freskët dhe t’i hidhni pak kripë sipër dhe dy gota me ujë.
    Tavën e vendosim në furrë që të piqet dhe e lëmë derisa pula të marrë ngjyrën e kuqërremtë të pjekjes.
    Gjatë kohës së pjekjes kontrollojeni mishin herë pas here duke e spërkatur nga sipër me lëngun e vet.
    Pasi është pjekur e heqim nga furra dhe përgatisim salcën me kos.
    Përgatitja e Salcës me Kos
    Kujdesemi që lëngun e mbetur në tavën e mishit të pjekur ta heqim mënjanë pasi do të përdoret për përgatitjen e kosit
    Vendosim një tenxhere në zjarr dhe shkrijmë gjalpin.
    Hedhim miellin dhe e kaurdisim bashkë me gjalpin.
    Në momentin që mielli zverdhet pak, AgroWeb.org ju udhëzon të shtoni me ngadalë lëngun e mishit (të cilit i hedhim edhe pak ujë shtesë)
    Trazojmë me lugë druri dhe pa ndalesë në mënyrë që të shmangim krijimin e kokërrizave.
    Pasi masa bëhet e njëtrajtshme e lëmë të vlojë pak dhe kur salca të jetë trashur e heqim nga zjarri dhe e lëmë të ftohet.
    Më pas, në një tas hedhim hedhim vezët dhe i rrahim fort derisa të njëtrajtësohen.
    Shtojmë kripën, piperin, pak gjalpë, orizin dhe kosin dhe i përziejmë të gjitha bashkë.
    Më pas, shtojmë salcën me miell dhe vijojmë t’i përziejmë derisa masa të jetë unison.
    Përgatitja e Tavës
    Në tavën ku kemi pulën e pjekur shtrojmë salcën e përgatitur të kosit.
    Sipër i hedhim pak gjalpë të freskët të prerë në copëza të vogla.
    Ndërkohë sigurohemi që furra të jetë e nxehtë në 200 gradë dhe fusim tavën të piqet përreth 30 minuta derisa në sipërfaqe të marrë ngjyrë të kuqërremtë.
    Pasi fikim furrën, tavën e lëmë edhe pak për t’u mpiksur mirë në nxehtësinë e sobës e më pas e servirim të ngrohtë duke e spërkatur me majdanoz të grirë hollë./AgroWeb.org

  • Disa Mënyra Si të Shijoni Hurmat e Arabisë Në Çdo Vakt

    Disa Mënyra Si të Shijoni Hurmat e Arabisë Në Çdo Vakt

    Në ditët e sotme origjina e saktë e palmës së hurmës mbetet e mbuluar me mister, hulumtimet dëshmojnë se ajo është kultivuar që në vitin 4000 para Krishtit dhe ka zënë rrënjë shpejt në pjesë të ndryshme të botës.

    Jo më kot pema që i prodhon këto kokrra të shijshme është cilësuar si ‘pema e jetës’ nga qytetërimet e lashta.

    Hurmat e Arabisë janë të shëndetshme, të mbushura me vitamina dhe minerale thelbësore dhe të njohura si një burim i jashtëzakonshëm i fibrave. Ndërsa nivelet e larta të sheqernave natyrale, janë një burim i madh energjie. Këshillohet që të shijohen në moderim, konsumimi i tre deri në pesë kokrrave në ditë mjafton për të korrur përfitimet e dëshirueshme shëndetësore.

    Më poshtë AgroWeb.org ju njeh me disa mënyra të thjeshta dhe shumë të shijshme se si t’i përfshini ato në vakte të shëndetshme.

    Si të shijoni hurmat e Arabisë

    Ju mund t’i konsumoni në çdo kohë të ditës dhe t’i përdori gjithashtu si një zëvendësues natyral i sheqerit të bardhë në një sërë recetash. Një nga mënyrat më të mira është t’i shtoni në pijet e preferuara të frutave.

    Por, ju gjithashtu mund t’i përfshini në një tas me tërshërë ose shijoni si një vakt i lehtë pas stërvitjes. Një tjetër mënyrë interesante është duke i kombinuar në sallatë.

    Hurmat e copëtuara janë një shtesë e shkëlqyer për sallatat me gjethe jeshile, sallatat me drithëra dhe ato perime. Ju gjithashtu mund të bëni me to toptha ëmbëlsirash të shëndetshme që nuk kanë nevojë për pjekje.

    Mjafton të përpunoni hurmat në një mikser dhe të shtoni përbërës të tjerë, të tillë si tërshëra, gjapl arrorësh, farat kia, shqeme dhe copësa arre kokosi. Formoni me masën toptha të vegjël dhe lërini në frigorifer për një orë përpara se t’i konsumoni.

    Mënyra më e thjeshtë se si mund t’i shijoni është duke i shoqëruar me arrorë të tillë si lajthitë. Në botë, kuzhinierët e talentuar i përfshijnë hurmat në pjata të ndryshme në një sërë mënyrash të reja dhe inovative.

    Mos harroni që kur të përfundoni vaktin tuaj dhe të shërbeni filxhanin me kafe, shoqërojeni atë me 1 kokërr hurmë Arabie. /AgroWeb.org

  • Krem Pasticerie me Shije Portokalli – Delikatesa që Duhet të Provoni

    Krem Pasticerie me Shije Portokalli – Delikatesa që Duhet të Provoni

    Kremi i pastiçerisë mund të themi se është mbretëresha mes shumë shijeve të ëmbëlsirave.

    Kudo ku ta vendosni receta juaj do të fitojë një prekje të lehtë e delikate ëmbëlsie.
    Ndonëse mund ta keni përgatitur shumë herë më parë ose mund të keni dëgjuar për të, sot do ju sugjerojmë diçka ndryshe.
    Kremi i pastiçerisë me shije portokalli është një nga elementët që do t’i bëjë recetat tuaja të gëlojnë nga shija e mirë.
    Ndiqni mëposhtë mënyrën e saktë të përgatitjes së tyre sipas këshillave të AgroWeb.
    Përbërësit

    500 gr qumësht
    200 gr sheqer
    50 gr lëng portokalli
    Lëkura e një portokalli
    6 të verdha vezësh
    40 gr niseshte

    Përgatitja
    Për të nisur me përgatitjen e kësaj recete AgroWeb ju këshillon që të grini hollë me rende lëkurën e 1 portokalli.
    Më pas shtrydhni edhe lëngun e tij derisa të merrno sasinë e duhur që tregon receta.
    Lërini të dy këta përbërës në enë të vecanta dhe vendosni në zjarr një tigan me qumësht.
    Hidhni aty lëkurën e portokallit dhe përzieni mirë teksa qumështi zien.
    Ndërkohë në një tjetër tenxhere, hidhni të verdhat e vezëve bashkë me sheqerin dhe vazhdoni me përzierjen.
    Kur sheqeri të jetë shkrirë, shtoni edhe niseshtenë dhe përzieni sërish me anë të një luge druri ose spatule.
    Në fund shtoni po këtu lëngun e portokallit duke përzier për të eleminuar kokrrizat që mund të formohen.
    Ndërkohë qumështi duhet të ketë zier ndaj merreni dhe hidheni tek tenxherja ku ndodhen përbërësit e tjerë pak nga pak.
    Vendoseni në zjarr këtë tenxhere për 5 – 7 minuta duke përzier derisa të formohet kremi i trashë.
    Sigurohuni që në fund të mos ketë kokrriza dhe hidheni në një enë për të lënë të ftohet.
    Lëreni fillimisht në temperaturë ambienti e më pas futeni ne frigorifer.
    Më pas përdoreni për të mbushur kekun, tortat apo biskotat e ndryshme që mund të përgatisni, pasi kombinimet me këtë krem nuk kanë fund./AgroWeb.org

  • Gabimet që Nuk Duhet të Bëni Asnjëherë kur Gatuani Vezë të Rrahura

    Gabimet që Nuk Duhet të Bëni Asnjëherë kur Gatuani Vezë të Rrahura

    Vezët e sidomos ato të rrahurat me djathë e të skuqura në tigan janë ushqimi më i preferuar i mëngjeseve në tavolinat e çdo familje.

    Shija e tyre e butë dhe e lehtë për stomakun është ideale për të filluar ditën plot energji.
    Megjithëse konsiderohet si një nga gatimet më të lehta për t’u përgatitur, jo gjithnjë vezët e rrahura dalin në mënyrën e dëshiruar.
    Kjo mund të ndodhë për disa arsye që nisin që nga cilësia e vezëve, gjalpit, djathit apo edhe nga disa gabime të vogla që mund të bëni gjatë përgatitjes.
    Në këtë artikull AgroWeb.org  ju tregon çfarë nuk duhet të bëni asnjëherë gjatë përgatitjes së vezëve të rrahura.
    Për të përfituar kështu shijen e mrekullueshme të tyresa herë që dëshironi.
    Ruajtja e vezëve
    Megjithëse mund të duket e parëndësishme, vendi ku vendosni të ruani apo konservoni kokrrat e vezëve.
    Idealja është që vezët të mbahen në kartonët e bërë posaçërisht për to brenda në frigorifer.
    Përveçse ruhen nga thyerja ato qëndrojnë të izoluara nga ushqimet e tjera që mund të ndodhen në frigorifer.
    Bëni kujdes që të mos i lini ato afër ndonjë ushqimi me aromë të fortë siç është peshku.
    Kjo pasi lëvozhga e vezëve ka veti të përthithë aromat e forta të jashtëme.
    Ndaj nëse doni që vezët tuaja të kenë shijen e tyre karakteristike, mbajini në vende sa më të freskëta dhe të mbyllura në kartonë të veçantë.
    Gjithashtu kini kujdes që të mos i ruani tek dera e frigoriferit, megjithëse aty mund të ndodhet një  vend i posaçëm për to.
    Ekspertët e sigurisë ushqimore të cilëve i’u referohet AgroWeb.org, shpjegojnë se ajri që kalon tek dera sa herë që frigoriferi juaj hapet dhe mbyllet mund të prishë dhe t’ju heqë shijen vezëve tuaja.
    Kur hidhet kripa dhe piperi
    Nëse shtoni kripën apo piperin tek vezët përpara proçesit të gatimit, vezët tuaja të rrahura do të dalin të ujëshme.
    Në vend të kësaj metode, shtojeni kripën pak para se të fikni zjarrin dhe përziejeni mirë masën e krijuar.
    Të njëjtën gjë bëni edhe me piperin apo erëza të tjera, shtojini në fund për më shumë shije.
    Si t’i përzieni
    Pasi t’i keni rrahur dhe përzier me përbërësit që dëshironi, tek proçesi i skuqjes në tigan bëni kujdes me një detaj të vogël.
    Gjithnjë përdorni një lugë druri apo spatula plastike të posaçme për kuzhinë.
    Në mënyrë që të arrini të përzieni siç duhet vezën tuaj të rrahur dhe pa u ngjitur.
    Bëjeni këtë gjë vazhdimisht derisa vezët të jenë gati që ato të mos digjen dhe thahen.
    Duke marrë parasysh këshillat e AgroWeb.org, mund të filloni të përgatisni menjëherë recetat e mrekullueshme të vezëve të rrahura.
    Një prej tyre plot shije, me kos dhe djathë e gjeni duke klikuar këtu./AgroWeb.org