Lajmidites.com

Category: Shëndetësi

  • Zgjimi Herët në Mëngjes – Si Ndikon për Shëndetin e Trurit

    Zgjimi Herët në Mëngjes – Si Ndikon për Shëndetin e Trurit

    Qetësia vjen në dy nivele: ajo fizike kur ju zgjoheni me diellin dhe nuk ju shqetëson askush; dhe ajo mendore, paqe dhe qartësi.

    Zgjimi herët në mëngjes duket diçka shumë e vështirë, sidomos në rastet kur rehatia që të ofron krevati dhe jastëku nuk kanë të krahasuar me botën përjashtë.

    Sa herë që përpiqesh të zgjohesh, një zë brenda vetes të thotë “rri edhe pak.”

    Ndonjëherë këtë zë arrijmë ta mposhtim dhe herë të tjera i dorëzohemi. E vërteta është që zgjimi herët në mëngjes kërkon disiplinë dhe vetë kontroll.

    Zgjimi në mëngjes të jep shumë kohë dhe të ofron ndjesinë e arritjeve të suksesshme që të presin në 12 orët e ardhshme.

    Zgjimi herët, ushqyerje e shëndetshme

    Mëngjesi është vakti më i rëndësishëm i ditës që nuk duhet anashkaluar.

    Nëse zgjoheni vonë, me siguri nuk do të hani mëngjes dhe organizmi juaj do të ketë një fillim të vështirë.

    Mëngjesi është baza e të ushqyerit shëndetshëm në mënyrë afatgjatë dhe të ndihmon në shmangien e ushqimeve të shpejta e të pashëndetshme gjatë ditës.

    Ata që zgjohen herët janë më proaktivë

    Studimet kanë treguar që njerëzit që zgjohen herët kanë më shumë vetëbesim, janë më të mprehtë dhe të përqendruar por edhe më ndërveprues.

    Ora e parë e ditës dhe mënyra se si e shpenzoni atë, është përcaktuese jo vetëm për orët në vijim por edhe për jetën në përgjithësi.

    Zgjimi herët pakëson stresin dhe ju ndihmon të keni një sjellje më pozitive. Për më tepër nuk do të keni nevojë të nxitoni sepse koha do t’ju mjaftojë.

    Shpërqendrimet në orët e para të mëngjesit janë të pakëta, ndërprerjet po ashtu.

    Pas një gjumi të mirë, truri është gati t’i futet punës. Ju jeni më efikasë dhe punoni më mirë. Ata që zgjohen herët marrin vendime të mira, planifikojnë dhe vendosin objektiva.

    Zgjimi herët mund të jetë i vështirë në fillim, por kur t’ia merrni dorën, do të vlerësoni energjinë që ky proces sjell.

    Më shumë kohë për aktivitet fizik 

    Aktiviteti fizik herët në mëngjes nuk shkakton përplasje me planet tuaja ose punën gjatë ditës. Është thuajse e pamundur të anulloni një aktivitet fizik të caktuar në mëngjes në krahasim me ato të mbrëmjes që anullohen falë planeve të minutës së fundit.

    Stërvitja fizike sjell shumë energji për të përballuar ditën.

    Zgjimi herët promovon një gjumë më të mirë. Nëse flini herët dhe zgjoheni herët, ora juaj e brendshme funksionon në bazë të një rutine specifike. Ju do të ndiheni më të qetë dhe pa lodhje.

    Arritje më të mëdha

    Zgjimi herët nënkupton vendosje objektivash dhe detyra të arrira. Nëse i vendosni vetes një objektiv, ju do të përpiqeni fort që ta arrini atë.

    Do të jeni më produktivë dhe më të lumtur me arritjet tuaja.

    Të zgjuarit herët do të thotë që ia keni kaluar të gjithëve, jeni më të qetë, më të organizuar dhe më të arrirë në krahasim me të tjerët që vrapojnë për në zyrë.

    Kjo do t’ju shfaqë si më të përkushtuar dhe më punëtorë në sytë e shefit.

    Kur zgjoheni herët, keni më shumë kohë të planifikoni, mendoni, organizoheni dhe bëni strategji për arritjet e ditës.

    Vetë përmbajtje

    Zgjimi herët kërkon disiplinë. Kontrollin mbi jetën tuaj e keni ju.

    Do të pajiseni me aftësi për menaxhimin e kohës, do të jeni më të organizuar, më të vetë përmbajtur dhe më të qartë në ide dhe vizion.

    Paqe dhe qetësi – Qetësia e mëngjesit është një moment që s’ka të paguar.

    Qetësia vjen në dy nivele: ajo fizike kur ju zgjoheni me diellin dhe nuk ju shqetëson askush; dhe ajo mendore, qetësi, paqe dhe qartësi.

    Qetësia fizike është diçka që e përftoni kur flini vonë, ndërkohë që qetësinë mendore e merrni kur zgjoheni herët.

    Qetësia në të dy nivelet ju jep fuqinë e duhur për të përballuar ditën me sukses./AgroWeb.org

  • Bukë e Mbushur me Djathë dhe Hudhra e Pjekur në Furrë

    Bukë e Mbushur me Djathë dhe Hudhra e Pjekur në Furrë

    Një recetë e thjeshtë, ideale për t’u provuar në këto ditë të ftohta.

    E plotë në shije dhe kërkon pak kohë në përgatitje. AgroWeb.org ju sjell më poshtë recetën e mrekullueshme të bukës së mbushur me djathë.
    Përgatitja e Bukës së Mbushur me Djathë
    Përbërësit

    Një bukë jo masive e përshtatshme për 4 persona
    200 djathë kaçkavall
    1 lugë kafe piper i kuq djegës pluhur
    Majdanoz i grirë hollë
    2 lugë gjelle gjalpë i freskët pa kripë
    6 thelpinj hudhrash

    Përgatitja
    Përzgjidhni një bukë jo masive të rrumbullakët apo ovale. Sipas dëshirës bukën mund ta merrni integrale të zezë, ose të bardhë.
    Përmes një thike të mprehtë, prijeni horizontalisht dhe vertikalisht duke formuar katrorë nga 1 cm por bëni kujdes që të mos e prisni bukën deri në fund. Pra, katrorët që do ndani duhet të jenë të lidhur me pjesën e poshtme të bukës.
    Prijeni djathin kaçkavall në fetëza të holla të vogla.
    Kombinoni majdanozin e grirë dhe piperin e kuq djegës në një tas të vogël.
    Shtypni hudhrat.
    Bukën vendoseni në një letër pjekjeje e cila duhet të jetë aq e madhe sa të mbulojue gjithë bukën.
    Në të gjitha pjesët e ndara të katrorëve të bukës vendosni fetat e djathit kaçkavall, në fillim horizontalisht pastaj vertikalisht.
    Spërkatini pjesët e ndara më pas me majdanozin e grirë hollë dhe specin pluhur djegës.
    Ndërkohë parangrohni furrën e sobës në temperaturë maksimale.
    Në një tigan të vogël shkrini gjalpin, shtoni aty hudhrat e shtypura, kaurdisini bashkë për maksimumi 2 minuta dhe largojeni nga zjarri.
    Përmes një luge të vogël hudhrat e shtypura që keni në tigan vendosini mes pjesëve të ndara të bukës ku keni vendosur djathin.
    Të gjithë sipërfaqen e bukës lyejeni me gjalpin që keni në tigan.
    Mbulojeni bukën me letrën e pjekjes  vendoseni në një tavë dhe futeni të piqet përreth 20 minuta.
    Pas 20 minutash hiqeni letrën e pjekjes dhe futeni bukës edhe për 10 minuta të tjera derisa djathi të shkrijë plotësisht dhe sipërfaqja e bukës të marrë ngjyrë të artë në të kuqërremtë. Konsumojeni të ngrohtë./AgroWeb.org

  • Tavë Korani me Arra – Fama e Traditës Pogradecare

    Tavë Korani me Arra – Fama e Traditës Pogradecare

    Një recetë e vjetër tradicionale e Pogradecit, qytetit të famshëm të këtij peshku fantastik në shije dhe vlera.

    Korani është një nga peshqit më të shëndetshëm që mund të përfshini në regjimin tuaj ushqimor.

    Shkencëtarët rekomandojnë konsumin e të paktën 100 gramë me peshk siç është korani, dy herë në javë.

    Për të maksimizuar vlerat e marra nga korani, rekomandohen metodat e gatimit si skara, gatimi me avull ose pjekja.

    Më poshtë do të gjeni një recetë interesante tradicionale të zonës së Pogradecit të gatimit të koranit me arra në furrë, një traditë e hershme .

    Për 4-5 persona nevojiten

    1 racion peshk 200-250 g

    2 lugë gjelle me miell

    2-3  lugë gjelle vaj ulliri

    2-3 lugë gjelle arra të shtypura dhe kripe

    Përgatitja e Koranit me Arra në Shtëpi 

    Pastrojeni koranin dhe priteni në racione.

    Lyejeni me miell dhe vendoseni në tavë.

    Spërkateni me vaj ulliri dhe vendoseni të piqet në furrë

    Hidhni pak ujë të nxehtë në tavë dhe lëreni të marrë valë për 5 minuta.

    Më pas shtoni arrat e shtypura dhe hudhrat dhe hiqeni tavën pas 10 minutash.

    Vlerat e koranit

    Acidet yndyrore Omega-3

    Një racion i gatuar i koranit ofron 981 miligramë të acideve yndyrore omega-3 e cila e tejkalon sasinë e rekomanduar ditore prej 250 miligramë në ditë.

    Një regjim i pasur me acide yndyrore pakëson rrezikun e sëmundjeve kardiovaskulare, hipertensionit, kolesterolit dhe disa llojeve të kancerit.

    Acidet yndyrore parandalojnë çrregullime nervore siç janë skleroza, depresioni, çrregullimet bipolare dhe Alzheimeri.

    Proteina

    Një racion prej 100 gramësh ofron 21 gramë proteinë ose 37 përqind të dozës së rekomanduar për meshkujt dhe 46 përqind të nevojës ditore për femrat.

    Studimet thonë se nëse e merrni proteinën nga peshku, keni më suhmë gjasa të humbisni në peshë, të ruani masën muskulare dhe të jeni më të ngopur.

    Yndyra

    Një racion prej 100 gramësh përmban 6 gramë yndyrë, 1.4 gramë yndyrë të ngopur dhe 60 miligramë kolesterol.

    Përmbajtja e kufizuar e yndyrës e bëjnë koranin një variant të mirë proteinash dhe yndyrnash në krahasim me ushqimet e tjera.

    Ndotësit e rrezikshëm

    Korani është një ndër peshqit më pak të ndotur me merkur apo lëndë të tjera të rrezikshme.

    Ka peshq të prekur nga nivele të larta të mërkurit që shkaktojnë lodhje, dëmtime të veshkave, çrregullime nervore dhe dëmtime në tru në veçanti tek fëmijët apo fetusi./AgroWeb.org

  • Patate me Lulelakër – Tava e Shijshme e Dimrit

    Patate me Lulelakër – Tava e Shijshme e Dimrit

    Shkrimtari i njohur Mark Tuejn e ka përshkruar lulelakrën si “lakra me diplomë”

    Duke iu përmbajtur këtij përshkrimi, lulelakra është një nga perimet më të fuqishme që e ndihmon njeriun të mbajë larg sëmundje kronike.
    Lulelakra është e pasur me antioksidantë që i bëjnë mirë zemrës dhe shëndetit të trurit.
    Ngrënia e lulelakrës i jep organizmit sasi domethënëse të vitaminës C, K, beta karotenit dhe substance mirëbërëse për tretjen dhe detoksifikimin.
    Lulelakra është një perime që nuk njeh stinë, por me ardhjen e dimrit ajo ka tendencën të rishfaqet më fort në tryezat tona.
    Recetat e gatimit me bazë lulelakre janë të larmishme dhe shumë të preferuara nga lexuesit e AgroWeb.org
    Receta e re që do të gjeni në këtë artikull e bashkon lulelakrën në një tavë me patatet.
    Ky gatim i shijshëm është i lehtë, i pasur në vlera dhe ushqyes.
    Përbërësit:
    1 patate e prerë në copa
    1 lulelakër e copëtuar
    2 lugë çaji me vaj ulliri
    1 filxhan çaji me copa preshi
    1 lugë gjelle me thelpinj të grirë hudhre.
    Çerek filxhani çaji me miell
    Një filxhan çaji me qumësht të skremuar
    1 filxhan çaji me lëng të mishit të pulës
    2 lugë gjelle me trumëz të freskët
    Një majë luge çaji me kripë
    Një majë luge çaji me piper të zi
    Gjysëm filxhani çaji me djathë kaçkavall të grirë
    2 lugë gjelle majdanoz
    Përgatitja:
    Zieni ujë në një tenxhere dhe pasi të ketë marrë valë shtoni patatet dhe lulelakrën.
    Të dyja perimet nuk duhen zier plotësisht ndaj ziejini pak, kullojini dhe lërini të ftohen mënjanë.
    Në një tenxhere tjetër kavërdisni hudhrën dhe preshin dhe më pas shtoni miellin.
    Përziejini mirë dhe pasi të preshi të jetë zbutur shtoni qumështin dhe lëngun e pulës.
    Lërini të marrin një valë dhe përziejini rregullisht.
    Shtoni trumzën, kripën dhe piperin e zi.
    Lyeni tavën me pak yndyrë dhe hidhni në të patatet dhe lulelakrën.
    Hidhni sipër tyre masën e preshit me qumësht dhe lëng pule si dhe djathin.
    Mbulojeni tavën me letër kuzhine dhe futeni në furrë.
    Piqeni për 20 minuta dhe më pas hiqeni letrën e kuzhinës dhe fikeni furrën.
    Lëreni tavën të marrë një ngjyrë të kuqerremtë dhe zbukurojeni me majdanoz.
    Ju bëftë mirë!/AgroWeb.org

  • Hurmat e Arabisë, Nëntë Llojet më të Shëndetshme

    Hurmat e Arabisë, Nëntë Llojet më të Shëndetshme

    Hurmat e Arabisë janë fruta të shijshme dhe shumë të shëndetshme.

    Në të vërtetë, hurmat e Arabisë është një term që përfshin me dhjetëra varietete frutash që janë të shëndetshme.
    Në Shqipëri, dyqane të ndryshme kanë lloje të ndryshme të hurmave të arabisë.
    Në këtë artikull, AgroWeb.org ka renditur 9 hurmat më të mira të Arabisë.
    Hurmat Ajwa
    Këto njihen si ‘Mbretëresha e Hurmave’ sepse besohet të kenë qenë të preferuarat e Profetit Muhamed të fesë Islame.
    Ato janë të buta dhe më të thata.
    Këto hurma njihen për aftësinë që kanë në forcimin e imunitetit.
    Hurmat Medjool
    Ky frut rritet në vende me klimë të nxehtë e të thatë siç është Lindja e Mesme, Afrika dhe Kalifornia.
    Ato nuk përmbajnë sheqer dhe janë ideale për pacientët diabetikë.
    Këto hurma janë të pasura me vitamin, minerale dhe energji.
    Hurmat Kalmi
    Këto fruta e kanë origjinën nga Omani.
    Janë fruta të zeza, të vogla me formë cilindrike.
    Ato janë të pasura me kalium dhe parandalojnë diarenë.
    Hurmat Mabroom
    Këto hurma njihen si fruta të cilësisë së parë.
    Janë natyralisht të pasur me minerale dhe antioksidantë.
    Janë të ëmbla dhe përtypen me lehtësi.
    Hurmat Ambera
    Këto hurma mbajnë vulën e cilësisë më absolute të frutave të thata.
    Ato vijnë nga Medina, në Arabinë Saudite.
    Janë të mëdhaja në përmasa dhe kanë aftësi të përmirësojnë shërimin natyral të organizmit.
    Hurmat Khudri
    Kanë formë cilindrike dhe gjenden në përmasa mesatare ose të mëdha.
    Kanë ngjyrë kafe me nuance të kuqe dhe të japin energji të menjëhershme që në kafshatën e parë.
    Hurmat Zahidi
    Janë hurmat më të shijshme të Iranit.
    Kanë një ngjyrë të çelët të verdhë dhe formë rrumbullake.
    Këto hurma përmbajnë sasi të larta të vitaminave A, B, C dhe minerale që përmirësojnë qarkullimin e gjakut.
    Hurmat Safawi
    Vijnë nga Arabia Saudite dhe janë të ëmbla e të mëdha.
    Këto hurma përdoren kryesisht për të trajtuar aneminë dhe intoksikimin.
    Hurmat Sukarri
    Edhe ky varietet vjen nga Arabia Saudite.
    Janë tejet të ëmbla dhe të qullëta.
    Ato të japing një dozë të menjëhershme energjie./AgroWeb.org

  • Pse Keni Dhimbje Koke Kur Ndryshon Moti?

    Pse Keni Dhimbje Koke Kur Ndryshon Moti?

    Nga stuhitë deri në ditët me diell, ndryshimet e motit mund të shkaktojnë dhimbje koke ose simptoma të migrenës.

    Për të deshifruar lidhjen midis kushteve meteorologjike dhe dhimbjes së kokës, si dhe mënyrat për t’i shmangur ato AgroWeb.org ju fton të vazhdoni leximin.

    A mund të shkaktojë moti dhimbje koke?

    Përgjigjja e shkurtër është po! Kjo sepse njerëzit ndikohen nga ndryshimet e presionit barometrik, drita, temperatura dhe lagështia.

    Por si ndodh kjo?

    Ndryshimet e presionit barometrik

    Ndryshimet në presionin barometrik (ose të ajrit) shpesh ndodhin gjatë një stuhie kur ajri i ftohtë dhe i ngrohtë përzihen së bashku.

    Këto ndryshime, të cilat ndryshojnë forcën (ose peshën) e ajrit, mund të prishin ekuilibrin e lëngjeve në sinuset tuaja dhe të shkaktojnë dhimbje koke.

    Në veçanti, rënia e presionit barometrik është një nga shkaktarë e njohur të migrenës.

    Gjatë luhatjeve të presionit të ajrit, enët e gjakut në tru zgjerohen dhe më pas ngushtohen, duke shkaktuar një dhimbje tillë.

    Nxehtësia dhe rrezet e diellit

    Jo të gjitha dhimbjet e kokës vijnë nga moti i keq ose i ftohtë. Për të tjerë, migrena është më e shpeshtë në ditët e bukura me diell.

    Ditët e nxehta me diell mund të jenë problematike për njerëzit që vuajnë nga migrena fotosensitive.

    Një kombinim faktorësh

    Studimet zbulojnë se njerëzit raportojnë dhimbje koke nga migrena gjatë ditëve me re por edhe gjatë ditëve me diell.

    Dhe kjo mund të tregojë se një sërë variablash dhe kushtesh atmosferike mund të shkaktojnë migrenë. Këto faktorë ndryshojnë nga një person në tjetrin.

    Si të parandaloni dhe menaxhoni dhimbjet e kokës

    AgroWeb.org ndan disa këshilla për masat parandaluese që mund të merrni për të minimizuar dhimbjet e kokës.

    Mbani një ditar – Rregjistroni dhimbjet e kokës për të parë se sa ditë keni dhimbje koke. Kjo do t’ju ndihmojë të identifikoni shkaktarët dhe të hartoni mënyra për të shmangur ose kufizuar ekspozimin ndaj tyre.

    Krijo një strategji për të parandaluar dhimbjen – Strategjia juaj duhet të përqendrohet rreth parashikimit dhe zbutjes së shkaktarëve. Kjo mund të përfshijë rritjen e hidratimit, përdorimin e përkohshëm të medikamenteve dhe shmangia e ushqimeve dhe faktorëve që aktivizojnë migrenën.

    Përvetësoni zakone të shëndetshme – Ndjekja e zakoneve të shëndetshme të jetesës si ushqimi i duhur, stërvitja e rregullt, gjumi mund të ndihmojnë në ndërtimin e një sistemi të fortë imunitar. Kështu ju mund të zvogëloni rrezikun nga sulmet e migrenës.

    Mbani syze dielli – Nëse rrezet e diellit janë një nga shkaktarët e migrenës, syzet e diellit mund të jenë një zgjidhje e dobishme.

    Dhe për shkak se drita blu e ekraneve dhe ndjeshmëria ndaj dritës mund të shkaktojë migrenë , ju gjithashtu mund të mbani syze me filtrim të dritës blu ndërkohë që jeni në ambiente të brendëshme./AgroWeb.org

  • Qumështor i Ëmbël pa Petë – Si ta Përgatisni në Shtëpi

    Qumështor i Ëmbël pa Petë – Si ta Përgatisni në Shtëpi

    Qumështori është një recetë që i përket traditës shqiptare dhe ka mrekulluar me vite breza të tërë familjarësh.

    Sot AgroWeb.org ju tregon një mënyrë fantastike dhe më të lehtë për ta përgatitur.
    Receta që ju sugjerojmë nuk kërkon petë, duke e bërë qumështorin një ëmbëlsirë akoma edhe më të lehtë.
    Gjithashtu kemi përdorur edhe një përbërës tjetër i cili i jep një shije të veçantë recetës.
    Përbërësit

    1l qumësht
    6 kokrra vezë
    4 lugë gjelle niseshte
    2 lugë gjelle miell
    4 lugë gjelle sheqer
    2 lugë gjelle mjaltë
    1 lugë gjelle gjalpë

    Përgatitja
    Si fillim AgroWeb.org ju sugjeron që të rrihni vezët me sheqerin derisa të krijohet një masë kremoze.
    Ngjyra e saj duhet të jetë e verdhë shumë e lehtë, gati në të bardhë.
    Pasi të keni arritur në këtë fazë shtoni mjaltin.
    Ky përbërës do t’i japi një shije më speciale qumështorit tuaj.
    Niseshtenë dhe miellin kalojeni fillimisht në sitë dhe më pas shtojeni tek tasi ku keni përbërësit.
    Në fund shtojmë edhe qumështin dhe e përziejmë mirë në mënyrë që të mos krijohen kokrriza.
    Masën agroWeb.org ju këshillon që ta kaloni në një tenxhere dhe ta vendosni në zjarr.
    Përzierja duhet të mpikset në zjarr mesatar dhe duhet rrahur me tel kuzhine gjatë gjithë kohës.
    Sigurohuni që masa të mos ngjitet dhe të mos krijohen kokrra të patretura të miellit.
    Kur masa kremoze të fillojë të kthejë valë është gati për ta kaluar në tavën për pjekje.
    Tavën më parë duhet ta lyeni me gjalpë duke mbuluar të gjithë sipërfaqen e saj madje edhe anët.
    Qumështorin duhet ta  piqni në furrë të parangrohur në 180 gradë derisa sipërfaqja e tij të ketë marrë ngjyrën e artë.
    Mjaftojnë vetëm 10-15 minuta dhe qumështori do të jetë gati pasi fazën më të madhe të pjekjes e kemi kaluar.
    Pasi të jetë pjekur nxirreni tavën nga furra dhe lëreni të ftohet.
    Nëse e dëshironi të ngrohtë mund ta shërbeni duke e kaluar në tasa.
    Nëse e preferoni të ftohtë, prisni derisa të ftohet tava dhe futeni në frigorifer për disa minuta.
    Më pas priteni dhe shërbejeni për të dashurit tuaj./AgroWeb.org

  • Mjeku: Lidhja e vaksinës me autizmin, teori…

    Mjeku: Lidhja e vaksinës me autizmin, teori…

    Doktori i Gerald Kola foli për vaksinat e fëmijëve dhe frikën që shpesh kanë prindërit për bërjen e tyre, sidomos vaksinën e cila bëhet në moshën 1-vjeçare, për fruthin, dhe lidhjen e tij të dyshuar me spektrin autik.
    Mjeku u shpreh se vaksinat janë të domosdoshme të bëhen sepse janë gurthemeli për ndërtimin e imunitetit.
    Trupi i njeriut apo pjesa e imunitetit që na bën të aftë të përballemi me rreziqet e jetës, janë të fituar dhe të lindur. I fituari është ndonjëherë më i forti dhe është ai që ne e marrim nga kontaktet që kemi gjatë jetës në vazhdimësi. Vaksinat këtë bëjnë, na rrisin imunitetin. Pra vaksinat janë të domosdoshme dhe duhen bërë”, tha ai.
     
    Mjeku i ka mëshuar edhe faktit që vaksinat për fëmijët nuk duhen blerë, duke theksuar se sipas tij sistemi i vaksinimit është shumë i mirë në vendin tonë. Ai tha gjithashtu se
     
    “Shteti shqiptar e ka shumë të monitoruar sistemin e vaksinave. Jam kundër blerjes së vaksinave në privat. Nëse pjesët e tjera cedojnë, sistemi i vaksinimit në Shqipëri nuk cedon. Bashkëpunohet ngushtë me organizatat botërore. Shpesh blihet me idenë që fëmija reagon më mirë me vaksinën e blerë. Në fakt do të thoja që mirë është të ketë një reagim dhe të kemi simptoma të sëmundjes sepse kjo është edhe domethënia e vaksinës. Nuk duhet të jetë sikur fëmija nuk ka bërë asgjë.
    Jam kundër dhënies së medikamenteve për uljen e temperaturës, deri në 38.5-39”, u shpreh mjeku.
    Kola i quajti teori konspirative frikërat për lidhjen e vaksinave me spektrin autik.
    “Nuk ka asgjë të vërtetuar që vaksinat e detyrueshme kanë efekte negative. Janë në përdorim prej 100 vitesh, janë e njëjta formulë dhe asgjë nuk ka ndryshuar. Lidhja e vaksinës me autizmin është teori konspirative. Ka disa studiues të cilët mendojnë që në fakt autizmi mund të jetë një nga hallkat e evolucionit, nuk është përcaktuar si sëmundje”, tha ai

  • Nga hiperseksualiteti te pedofilia, mjekët paralajmërojnë për ilaçin e njohur që po shkakton sjellje devijante

    Nga hiperseksualiteti te pedofilia, mjekët paralajmërojnë për ilaçin e njohur që po shkakton sjellje devijante

    Mjekët kanë paralajmëruar se një ilaç i zakonshëm i përdorur për trajtimin e çrregullimeve të lëvizjeve të pavullnetshme, si sindroma e këmbëve të shqetësuara dhe Parkinsoni, mund të shkaktojë sjellje seksuale devijante.
    Pacientët që marrin këto ilaçe kanë zhvilluar impulse të çuditshme dhe sjellje problematike. Disa janë bërë të varur nga ekspozimi i trupit në publik, tradhtia bashkëshortore apo shikimi i pornografisë.
    Rastet më të rënda janë ato kur pacientët kanë filluar të mbledhin pornografi me fëmijë dhe madje kanë kryer sulme seksuale ndaj të miturve, raportojnë mediat e huaja.
    Një 29-vjeçar nga Florida, i cili merrte ilaçin selegiline, filloi të vishej si grua vetëm dy muaj pas fillimit të trajtimit.
     
    Një 67-vjeçar nga Brazili ndryshoi papritur sjelljen seksuale pas rritjes së dozës së ilaçit pramipexole për Parkinson. Ai kaloi nga një frekuencë seksuale javore në një të përditshme dhe nisi të kërkonte praktika seksuale të reja dhe ekstreme.
     
    Një burrë nga Australia, Terry Martin, shpenzoi 150,000 dollarë për 162 punonjëse seksi pasi filloi marrjen e ilaçit. Ai gjithashtu deklaroi se kishte ndryshuar preferencat seksuale dhe filloi të angazhohej me burra dhe persona transgjinorë.
     
    Një ish-drejtor shkolle në Britaninë e Madhe, Philip Carmichael, u kap me 8,000 imazhe dhe video pornografike me fëmijë dhe fajësoi ropinirolin për sjelljen e tij.
     
    Ilaçet e përfshira bëjnë pjesë në grupin e agonistëve të dopaminës, që funksionojnë duke “mashtruar” trurin të mendojë se po merr dopaminë. Ky proces ndihmon në trajtimin e gjendjeve që shkaktojnë lëvizje të pavullnetshme, por gjithashtu ndikon në qendrën e shpërblimit dhe kënaqësisë së trurit.
     
    Ilaçi më i zakonshëm në SHBA është ropiniroli, i shitur me emrin tregtar Requip, i cili përdoret nga miliona amerikanëve çdo vit. Studimet tregojnë se nga 6 deri në 25% e pacientëve që marrin këto ilaçe zhvillojnë sjellje të varura ose të rrezikshme.
     
    Dr. Ozan Toy, nga klinika PsychTMS në New Jersey, tha se ropiniroli “është përgjithësisht një ilaç i sigurt, por si të gjitha ilaçet, ka efekte anësore të mundshme”. Ai sqaroi se rritja e niveleve të dopaminës mund të çojë në sjellje të varura ose kompulsive, si lojërat e fatit, blerjet e tepërta dhe sjellje seksuale problematike.
     
    Në vitin 2019, organizata Public Citizen paditi FDA-në dhe kërkoi që në paketimin e këtyre ilaçeve të vendosej një paralajmërim për varësinë ndaj lojërave të fatit, ngrënien kompulsive dhe sjelljet hiperseksuale. Kjo padi u rrëzua, por në disa produkte tani përfshihet një paralajmërim për “sjellje të pakontrollueshme”.
    Ndërsa disa studime sugjerojnë se ilaçet agonistë të dopaminës janë efektivë për trajtimin e Parkinsonit dhe sindromës së këmbëve të shqetësuara, rreziqet e mundshme të tyre në lidhje me varësinë dhe sjelljet kompulsive duhen marrë seriozisht. Mjekët rekomandojnë monitorim të rreptë të pacientëve që përdorin këto ilaçe, sidomos ata që kanë pasur më parë tendenca të varësive apo sjellje impulsive.

  • Kanceri i mushkërive nuk fillon gjithmonë me kollë! Ja një nga simptomat e para që

    Kanceri i mushkërive nuk fillon gjithmonë me kollë! Ja një nga simptomat e para që

    Sot, gjithçka i atribuohet stresit, mungesës së gjumit ose rraskapitjes së përgjithshme, përfshirë lodhjen. Megjithatë, nëse përjetoni lodhje të pashpjegueshme që zgjat për një kohë të gjatë, duhet t’i kushtoni vëmendje.
    Lodhja kronike është një nga simptomat e kancerit të mushkërive që pacientët e raportojnë shpesh, veçanërisht në fazat e mëvonshme të sëmundjes. Vështirësia në frymëmarrje e shkaktuar nga kanceri i mushkërive mund të çojë në një ndjenjë të theksuar lodhjeje.
    Përveç kësaj, grumbullimi i lëngjeve në zgavrën e barkut mund ta vështirësojë edhe më shumë frymëmarrjen, gjë që e shton më tej lodhjen.
    Simptoma të tjera të kancerit të mushkërive.
    Përveç lodhjes së pashpjegueshme, Shërbimi Kombëtar i Shëndetit Britanik rendit edhe simptomat e mëposhtme që mund të tregojnë kancerin e mushkërive:
    Një kollë që nuk largohet pas tre javësh. Një kollë e vazhdueshme që përkeqësohet
    Infeksione të përsëritura të frymëmarrjes
    Kollitja me gjak
    Dhimbje gjoksi gjatë frymëmarrjes ose kollës
    Frymëmarrje e vazhdueshme
     
    Humbje oreksi ose humbje peshe e pashpjegueshme
     
    Simptomat më pak të njohura përfshijnë ndryshime në gishta si trashje e majave, vështirësi në gëlltitje dhe dhimbje gjatë gëlltitjes.