Lajmidites.com

Category: Shëndetësi

  • Ja tri ushqimet që gratë nuk duhet t’i shmangin pas moshës 30-vjeçare

    Ja tri ushqimet që gratë nuk duhet t’i shmangin pas moshës 30-vjeçare

    Gastroenterologu, Saurabh Sethi, rekomandon që gratë pas moshës 30-vjeçare të përfshijnë tri superushqime në dietën e tyre, për të përmirësuar shëndetin dhe cilësinë e jetesës. Lulelakra, kërpudhat dhe çaji jeshil janë ushqime të pasura me vlera ushqyese, që ofrojnë përfitime të shumta për trupin dhe trurin.

    Lulelakra është një nga ushqimet kryesore që mjeku Sethi rekomandon. Ajo është e pasur me lëndë ushqyese që ndihmojnë në forcimin e trurit dhe humbjen e peshës. Lulelakra gjithashtu ndihmon në detoksifikimin e trupit dhe përmban antioksidantë dhe përbërës që zvogëlojnë rrezikun e sëmundjeve neurodegjenerative, si Alzheimeri. Kjo për shkak të squfrit që ndihmon në largimin e metaleve të rënda nga trupi.

    Studimet tregojnë se kërpudhat mund të kenë ndikim pozitiv në shëndetin e trurit, veçanërisht për gratë, të cilat kanë dy herë më shumë gjasa se burrat të zhvillojnë Alzheimeri. Sipas mjekut Sethi, ngrënia e kërpudhave disa herë në javë mund të zvogëlojë rrezikun për këtë sëmundje me deri në 60%. Kërpudhat janë të pasura me substanca që ndihmojnë në mbrojtjen e trurit dhe forcimin e funksioneve të tij.

    Çaji jeshil është një tjetër superushqim që mjeku Sethi rekomandon për gratë pas moshës 30 vjeçare. Ky çaj është i njohur për përmbajtjen e tij të ‘polifenolëve’, të cilët janë anti- inflamatorë dhe mund të ndihmojnë në parandalimin e sëmundjeve të lidhura me plakjen. Çaji jeshil gjithashtu ka vërtetuar shkencërisht se mund të reduktojë simptomat e demencës dhe të ndihmojë në menaxhimin e ankthit dhe humbjen e peshës falë përbërësve të tij si kafeina dhe L-tiamina.

    Përveç këtyre tre superushqimeve, mjeku Sethi gjithashtu rekomandon heqjen e ushqimeve të përpunuara, të skuqura dhe pijet joalkoolike nga dieta, pasi këto ndikojnë negativisht në florën mikrobike dhe shëndetin në përgjithësi. Syri.net-Bovary.gr.

  • Dhimbja e kokës, 6 shenja që nuk duhet t’i injoron

    Dhimbja e kokës, 6 shenja që nuk duhet t’i injoron

    Dhimbja e kokës është një shqetësim i zakonshëm që mund të ndikojë në jetën tonë të përditshme. Megjithatë, ka raste kur një dhimbje koke mund të tregojë një problem më serioz shëndetësor.
    Pra, kur duhet të shqetësoheni për një dhimbje koke dhe të kërkoni kujdes mjekësor? Ndiheni sikur është dhimbja më e keqe e jetës suaj.
    Një dhimbje koke e papritur dhe e rëndë që arrin kulmin shpejt mund të tregojë një gjendje serioze, siç është një aneurizëm i këputur. Në këtë rast, kërkohet kujdes i menjëhershëm mjekësor. Është ndryshe nga zakonisht. Nëse një dhimbje koke shfaqet me një intensitet, kohëzgjatje ose simptoma shoqëruese të ndryshme se zakonisht, mund të tregojë një gjendje më serioze.
    shoqëruar me simptoma neurologjike
    Nëse, përveç dhimbjes së kokës, përjetoni simptoma të tilla si ndryshime në shikim, dobësi, mpirje, vështirësi në të folur ose mungesë ekuilibri, ekspertët paralajmërojnë se mund të jetë një goditje në tru ose një problem tjetër serioz.
    Ilaçet kundër dhimbjeve nuk ndihmojnë
    Nëse qetësuesit e zakonshëm nuk e lehtësojnë dhimbjen, është mirë të kërkoni këshilla mjekësore.
    Nuk ka asnjë shkak të dukshëm
    Nëse nuk mund të shpjegoni origjinën e tij dhe nuk lidhet me faktorë të njohur, si stresi ose dehidratimi, është mirë të vizitoni një mjek.

  • Studimi: Sperma mbart stresin e babait, mund të ndikojë te pasardhësit e tij

    Studimi: Sperma mbart stresin e babait, mund të ndikojë te pasardhësit e tij

    Një studim i ri ka zbuluar se baballarët që kanë kaluar një fëmijëri me stres të lartë mund të mbajnë gjurmët e atyre eksperiencave në qelizat e tyre të spermës, duke sugjeruar se trauma e kaluar mund të ketë ndikim edhe tek brezat e ardhshëm.
    Studimi, i publikuar në revistën shkencore Molecular Psychiatry, shqyrtoi epigjenetikën e spermës së baballarëve që kishin kaluar periudha të rënda stresi gjatë fëmijërisë.
    Epigjenetika studion ndryshimet në shprehjen e gjeneve pa ndikuar në kodin gjenetik bazë. Këto ndryshime mund të shkaktohen nga faktorë të jashtëm, si ambienti dhe eksperiencat jetësore.
    Epigjenetika na tregon se cilat gjene janë aktive dhe cilat jo”, tha Dr. Jetro Tuulari, autor kryesor i studimit dhe profesor në Universitetin e Turku-s në Finlandë. “Studimi ynë ngre pyetje mbi faktin nëse e kemi kuptuar plotësisht mekanizmin e trashëgimisë gjenetike.”
     
    Hulumtimi analizoi spermën e 58 individëve, duke u fokusuar në dy lloje shenjash epigjenetike: metilimi i ADN-së dhe ARN-të e vogla jo-koduese.
     
    Metilimi i ADN-së është një proces kimik që ndikon në aktivizimin ose fikjen e gjeneve. ARN-të e vogla jo-koduese ndikojnë në rregullimin e shprehjes së gjeneve.
     
    Pjesëmarrësit u rekrutuan nga FinnBrain Birth Cohort, një studim që analizon faktorët mjedisorë dhe gjenetikë që mund të ndikojnë zhvillimin e fëmijëve.
     
    Për të matur nivelin e stresit në fëmijëri, studiuesit përdorën “Trauma and Distress Scale” (TADS), një pyetësor i cili mat eksperiencat e neglizhencës emocionale, dhunës fizike dhe seksuale.
     
    Rezultatet treguan se burrat që kishin kaluar një fëmijëri të vështirë kishin një profil epigjenetik ndryshe në spermën e tyre krahasuar me ata që nuk kishin kaluar trauma të rënda. Këto ndryshime ishin të dukshme edhe pasi studiuesit morën parasysh faktorë të tjerë si pirja e duhanit dhe alkoolit.
    Edhe pse studimi sugjeron se stresi mund të lë shenja epigjenetike në spermë, ende nuk ka prova për të konfirmuar se këto ndryshime trashëgohen tek fëmijët.

  • Stresi prek trurin dhe trupin, njihuni me shenjat e heshtura dhe cila është kura e nevojshme

    Stresi prek trurin dhe trupin, njihuni me shenjat e heshtura dhe cila është kura e nevojshme

    Dr. Megan Arroll, psikologe dhe autore e shumë librave, thotë se stresi prek në shumë mënyra si trurin ashtu edhe trupin tonë. Ai lë shenja të dukshme, si fizike ashtu edhe mendore.

    Ndër shkaktarët kryesor të stresit është ngarkesa e madhe fizike dhe psikologjike që ne mund të kemi në një periudhë të caktuar.

    Ja cilat janë disa nga shenjat më të dukshme të prezencës së stresit:

    Keni probleme me rrahjet e zemrës

    Keni vështirësi në përqendrim dhe si pasojë shpesh mund t’ju qëllojë të humbisni fillin e bisedës.

    Nuk mund të qëndroni dot pa lëvizur, kjo është edhe një shenjë se stresi po bëhet paksa problematik dhe duhet të merrni masa për ta trajtuar atë.

    Keni probleme me stomakun, duke qenë se stomaku dhe truri komunikojnë me njëri tjetrin, nëse truri është i ngarkuar, pra i prekur nga stresi, atëherë kjo gjendje do t’i transmetohet edhe stomakut dhe si pasojë mund t’ju shfaqen probleme të tilla si diarre, kapsllëk etj.

    Keni probleme me gjumin. Mungesa e gjumit lidhet me prezencën e stresit të akumuluar prej një kohe të gjatë.

    Ju ikën zëri, të folurit vështirësohet kur vuani nga stresi, kjo pasi krijohen edhe probleme me frymëmarrjen.

    Acaroheni lehtë. Stresi ju nxit të irritoheni lehtë dhe të keni debate të shpeshta me personat që ju rrethojnë.

    Ndjeheni sikur të gjithë përveç jush po bëjnë diçka pozitive në jetë, po ecin përpara dhe veç ju jeni duke qëndruar në vend numëro.

    Prekeni shpesh nga gripi dhe nuk shëroheni lehtë. Kjo pasi stresi prek dhe dobëson sistemin imunitar.

    Por çfarë ndodh saktësisht me trupin tuaj kur jeni nën stres?

    Gjatë kohës që jeni në stres, gjaku e shmang trurin, zemrën, mushkëritë dhe muskujt, duke bërë që trupi të kërkojë një mënyrë për të dalë nga kjo gjendje.

    Rrahjet e zemrës shtohen me qëllim që këto zona të furnizohen me sasinë e nevojshme të gjakut. Frymëmarrja bëhet më e shpeshtë sepse duhet që muskujt të furnizohen sa më shpejtë me oksigjen, madje në periudha të tilla trupi ka prirjen të djersijë më shumë me qëllim që të shmangë rritjen e temperaturës.

    Niveli i sheqerit rritet ndjeshëm, pasi duhet që të furnizojë trurin dhe muskujt.

    Një tjetër pasojë e stresit është edhe ngushtimi i enëve të gjakut.

    Gjëja më e mirë që mund të bëni në situata të tilla është të qetësoheni, të mendoni pozitivisht dhe të bëni gjëra ndryshe.

  • Përfitimet e dietës me pak kripë, ja cilat ushqime rekomandohen

    Përfitimet e dietës me pak kripë, ja cilat ushqime rekomandohen

    Termi “regjim ushqimor i ulët në natrium ” nënkupton që në përditshëmri marrja e sasisë së kripës jo vetëm që nuk duhet t’i kalojë limitet por duhet të jetë edhe më e ulët.
    Ndjekja e një regjimi ushqimor me pak natrium është diçka që shumë njerëz përpiqen të bëjnë për të përmirësuar shëndetin e tyre. E kjo sidomos nëse vuajnë nga sëmundje të cilat përkeqsohen nga konsumi i tepërt i kripës, të tilla si presioni i lartë i gjakut apo sëmundjet e veshkave.
    Nëse po përpiqeni të ulni sasinë e natriumit që merrni në përditshmëri, AgroWeb.org ju vjen në ndihmë me këshillat e duhura.
    Cila është sasia e rekomanduar e natriumit?
    Ekspertët e shëndetit rekomandojnë që të rriturit të marrin më pak se 2,300 miligramë natrium në ditë. Me një kufi ideal prej 1,500 mg në ditë për shumicën e të rriturve, veçanërisht për ata me presion të lartë të gjakut.
    Por duke qenë se sasi të tepërta kripe mund të gjenden në shumë ushqime të paketuara dhe të parapërgatitura, kjo mund të jetë sfiduese. Disa nga ushqimet që janë burime më pak të dukshme të natriumit janë mishi i pulës dhe i gjelit të detit, makaronat, buka dhe erëzat.
    Megjithatë, sasia e rekomanduar mund të ndryshojë, në varësi të shëndetit tuaj dhe historikut familjar të sëmundjeve të trashëgueshme.
    Cilat janë përfitimet e një regjimi ushqimor me pak natrium
    Edhe pse natriumi ose kripa është një përbërës që i jep shije gatimeve, ndjekja e një regjimi ushqimor me pak natrium lidhet me shumë përfitime shëndetësore, duke përfshirë:
    Presion të shëndetshëm të gjakut.Zvogëlohet rreziku i shfaqjes së sëmundjeve kardiovaskulare.Përmirësimi i shëndetit të trurit.Funksioni i shëndetshëm i veshkave.Mund të përjetoni efekte afatshkurtra, të tilla si: të ndiheni më pak të fryrë ose të keni më pak etje.Lista e ushqimeve me sasi të ulëta natriumi
    Në mënyrë tipike, ushqimet që shijohen të papërpunuara kanë më pak natrium sesa ato që janë më të përpunuara. Mbani mend se disa nga këto ushqime mund të jenë të pasura me minerale që njerëzit me sëmundje kronike të veshkave duhet t’i kufizojnë sepse kanë sasi të larta kaliumi. Prandaj AgroWeb.org këshillon që gjithmonë të konsultoheni me mjekun tuaj.
    Frutat dhe perimet
    Frutat dhe perimet që shijohen të freskëta janë pa kripë apo natrium të shtuar. Të tilla janë mollët, rrushi, luleshtrydhet, patatet, shpargu, kërpudhat, shalqini, portokallet, spinaqi, karrotat etj. Kur bëhet fjalë për frutat e konservuara, kripa iu shtohet shumë rrallë. E sa i përket perimeve të konservuara, zgjedhja më e mirë është ajo që në etiketë shkruan “pa kripë”.
    Drithërat
    Shumica e drithërave mund të jenë pjesë e rëndësishme e një regjimi ushqimor me natrium të ulët. Disa zgjedhje të pasura me lëndë ushqyese përfshijnë kinoan, orizin kaf, makaronat me drithëra të plota, tërshërën etj.
    Proteinat
    Proteina luan shumë role të rëndësishme në trup dhe fatmirësisht shumë burime të proteinave janë natyrishëm pa natrium. Mishrat e tymosur, ato të pjekur dhe të konservuar, zakonisht janë të mbushur me kripë ose me përbërës me natrium. Megjithatë, mishi i freskët i viçit, i pulës, i peshkut janë të pranueshëm kur ndiqni në regjim me pak natrium. Disa burime të tjera proteinash përfshijnë vezët, fasulet, arrorët, kikirikët pa kripë etj.
    Qumështi dhe nën produktet e tij
    Shumë produkte të qumështit janë të mbushura me magnez, kalium dhe kalcium, lëndë ushqyese që mbështesin presionin e shëndetshëm të gjakut. Por disa, të tilla si djathi, mund të përmbajnë gjithashtu shumë natrium. Fatmirësisht, ushqime si vetë qumështi, kosi, gjalpi pa kripë dhe kefiri, janë disa nga produktet që mund të konsumoni pa frikë.
    Yndyrnat e shëndetshme
    Disa burime yndyrnash të shëndetshme që janë krejtësisht të pranueshme në një regjim me natrium të ulët përfshijnë vajin e ullirit, avokadon, salmonin, peshkun ton, sardelet, farat e lirit, farat chia, arrorët e pakripur dhe gjalpin e tyre.

  • Si të filloni ditën me energjinë e duhur, zbuloni sekretet e një mëngjesi produktiv

    Si të filloni ditën me energjinë e duhur, zbuloni sekretet e një mëngjesi produktiv

    Një mëngjes i mirë mund të bëjë diferencën midis një dite të lodhshme dhe një dite plot energji e produktivitet. Ekspertët e shëndetit dhe mirëqenies rekomandojnë disa hapa të thjeshtë për ta nisur ditën në mënyrën më të mirë të mundshme.

    Zgjohuni herët dhe pa stres

    Një nga sekretet kryesore për një mëngjes të suksesshëm është të zgjoheni pa nxitim. Vendosni një orar të rregullt gjumi dhe shmangni shtypjen e butonit “snooze” për një zgjim më të freskët.

    Pini ujë sapo të zgjoheni

    Një gotë ujë në mëngjes ndihmon në hidratimin e trupit dhe nisjen e metabolizmit. Për më shumë freski, mund të shtoni një fetë limoni ose xhenxhefil.

    Bëni një shtrirje të lehtë ose aktivitet fizik

    Pak ushtrime të lehta si yoga, shtrirje apo edhe një shëtitje e shkurtër mund t’ju ndihmojnë të ndiheni më energjikë dhe të përqendruar gjatë ditës.

    Konsumoni një mëngjes të ekuilibruar

    Një mëngjes i pasur me proteina, fibra dhe yndyra të shëndetshme ndihmon në mbajtjen e niveleve të energjisë dhe përqendrimit gjatë gjithë ditës. Provoni kombinime si tërshërë me fruta, vezë me avokado ose një smoothie të shëndetshëm.

    Bëni një planifikim të shkurtër për ditën

    Disa minuta për të listuar detyrat kryesore të ditës mund të ndihmojnë në organizimin dhe shmangien e stresit të panevojshëm.

    Duke ndjekur këto hapa të thjeshtë, do të ndiheni më energjikë, produktivë dhe të gatshëm për të përballuar çdo sfidë që sjell dita!

  • E doni zemrën tuaj? Hiqni këto 5 vajra gatimi nga kuzhina juaj sot

    E doni zemrën tuaj? Hiqni këto 5 vajra gatimi nga kuzhina juaj sot

    Vaji ka qenë një përbërës jetik në gatim për shekuj. Megjithatë, sa herë që dikush planifikon të mbajë një dietë ose të kalojë në ushqim më të shëndetshëm, ushqimi i parë që duhet shmangur është vaji. Nga shija te ushqimi, vajrat e gatimit janë një pjesë thelbësore e çdo pjate. Por a jeni të vetëdijshëm se disa vajra mund të bëjnë më shumë dëm sesa mirë? Disa vajra mund të rrisin nivelet e kolesterolit dhe të rrisin rrezikun e sëmundjeve të zemrës.
    Këtu janë pesë vajra gatimi që konsiderohen më të këqijat për shëndetin tuaj:
    Vaj palme
    E keni pyetur ndonjëherë veten pse ushqimi i rrugës është kaq i mirë? Sekreti shpesh qëndron tek vaji i palmës. Është i lartë në yndyrna të ngopura. Ky vaj rrit nivelin e kolesterolit, duke rritur rrezikun e sëmundjeve të zemrës dhe një nga arsyet që ekspertët sugjerojnë shmangien e tij.
    Përzierjet e vajit vegjetal

    Këto përzierje shpesh përmbajnë një përzierje vaj misri, vaj kanola dhe vaj palme. Shumë të përpunuar dhe të rafinuar, këto vajra kanë acide yndyrore të larta Omega-6 dhe nivele të ulëta Omega-3. Ndërsa Omega-6 është thelbësore për trupin në sasi të vogla, konsumimi i tepërt mund të çojë në inflamacion.
    Vaj misri
    Vaji i misrit është i lartë në acide yndyrore të pangopura (PUFA), të cilat mund të jenë të dëmshme për zemrën tuaj. Përdorimi i rregullt i këtij vaji ka më shumë dëm sesa përfitime për shëndetin tuaj.
    Vaj luledielli
    I konsideruar si një vaj i shëndetshëm në treg, vaji i lulediellit është gjithashtu i pasur me acide yndyrore Omega-6. Përdorimi i tepërt mund të çojë në inflamacion në trup, gjë që nuk është e mirë për shëndetin.
    Vaji i krundeve të orizit
    Ndërsa vaji i krundeve të orizit promovohet si një opsion i shëndetshëm në treg, ai përmban sasi të larta të acideve yndyrore Omega-6. Është një artikull shumë i rafinuar dhe i përpunuar dhe një kimikat i quajtur Heksan përdoret për përpunimin e këtij vaji.

  • Pse fillerat nuk duhet të bëhen në një moshë të re

    Pse fillerat nuk duhet të bëhen në një moshë të re

    Fillerat, ose mbushësit, janë një nga procedurat më të njohura estetike për të adresuar shenjat e plakjes dhe për të përmirësuar pamjen e fytyrës. Megjithatë, përdorimi i tyre në moshë të re ka shkaktuar debate. Ja disa arsye pse është e rëndësishme të jeni të kujdesshëm përpara se të vendosni për fillerat në një moshë të re.
    1. Plakja NatyroreNë moshë të re, lëkura është natyralisht më elastike dhe më e mbushur me kolagjen. Përdorimi i fillerave në këtë fazë mund të pengojë procesin natyror të plakjes dhe zhvillimit të lëkurës, duke e bërë atë më të varur nga procedurat estetike në të ardhmen.
    2. Rreziku i Efekteve AnësoreFillerat mund të shkaktojnë efekte anësore si inflamacioni, alergjitë dhe ndjeshmëria e lëkurës. Nëse një person i ri përjeton këto efekte, pasojat mund të jenë më të rënda, duke ndikuar në vetëbesimin dhe shëndetin mendor.
    3. Përputhshmëria me Pamjen NatyroreTë rinjtë shpesh përpiqen të ruajnë një pamje natyrale. Fillerat mund të krijojnë një pamje të tepruar ose të deformuar, duke i bërë individët të duken më të rritur se sa janë. Kjo mund të ndikojë negativisht në vetëbesimin dhe perceptimin e tyre nga të tjerët.

    4. Zhvillimi i LëkurësLëkura e rinjve është akoma në proces zhvillimi. Përdorimi i fillerave mund të ndërhyjë në mënyrën se si lëkura reagon ndaj moshës dhe faktorëve të jashtëm. Ndryshimet natyrore që ndodhin me kalimin e viteve mund të bëhen më të komplikuara për t’u menaxhuar.
    5. Alternativa më Të ShëndetshmeNë vend të fillerave, të rinjtë mund të përqendrohen në kujdesin e lëkurës dhe stilin e jetesës. Ushqimi i shëndetshëm, hidratimi, dhe mbrojtja nga dielli janë faktorë të rëndësishëm që ndihmojnë në ruajtjen e lëkurës së shëndetshme dhe të rinj.
    6. Presioni SocialShumë të rinj ndihen të detyruar të adoptojnë standardet e bukurisë që diktohen nga media sociale. Ky presion mund t’i çojë ata në vendime që nuk janë në interesin e tyre të mirë. Është e rëndësishme të reflektojnë mbi arsyet e vërteta për të kërkuar procedura estetike.
    PërfundimEdhe pse fillerat ofrojnë përfitime të shumta për ata që janë më të rritur, përdorimi i tyre në një moshë të re mund të ketë pasoja të padëshiruara. Është e rëndësishme që të rinjtë të konsultohen me profesionistë dhe të mendojnë mirë për arsyet e tyre para se të bëjnë një vendim të tillë. Kujdesi i lëkurës dhe përqendrimi në shëndetin e përgjithshëm janë alternativa më të mira për t’u ndjerë mirë në lëkurën e tyre.

  • Ngrënia e proteinave për mëngjes, çelësi për humbjen në peshë

    Ngrënia e proteinave për mëngjes, çelësi për humbjen në peshë

    Fillimi i një udhëtimi për humbje peshe është një punë e ndërlikuar. Dietat mund të duken si zgjidhje të përkohshme, sepse ato shpesh janë strikte dhe të vështira për t’u ndjekur.
    Megjithatë, duke krijuar zakone të shëndetshme me kalimin e kohës, mund të jeni në gjendje të krijoni qëndrueshmëri në zgjedhjet tuaja ushqimore. Kjo mund të rezultojë në humbje të vazhdueshme të peshës me një normë të shëndetshme.
    Pra, cilat zakone ushqimore duhet të provoni së pari? Sipas hulumtimeve, është shumë e rëndësishme të hani një mëngjes të pasur me proteina.
    “Duke filluar ditën me një mëngjes me proteina, ju jeni duke e përgatitur veten për sukses gjatë pjesës tjetër të ditës”, thotë Jessica Rana, dietologe.
    “Të hash një vakt të mbushur, të pasur me proteina në mëngjes mund të ndihmojë në uljen e dëshirave dhe zvogëlimin e dëshirës për të ngrënë gjatë gjithë ditës.
    Nëse ndiheni të kënaqur pas mëngjesit, keni më pak gjasa të kërkoni opsione të larta të sheqerit dhe yndyrës më vonë”.

    Arsyet për të ngrënë një mëngjes të pasur me proteina
    Studimet kanë treguar vazhdimisht se dietat me proteina të larta nxisin humbjen e peshës.
    Për shembull, hulumtimi nga “Hormone Research in Pediatrics Journal” tregoi se një mëngjes me proteina të bollshme promovoi humbjen e peshës te pjesëmarrësit obezë.
    Një tjetër studim nga International Journal of Obesity zbuloi se pjesëmarrësit që hëngrën një mëngjes me vezë prej 340 kalorish humbën më shumë peshë.
    “Ngrënia e proteinave adekuate në mëngjes mund të ndihmojë në humbjen e peshës për një sërë arsyesh, kryesisht për shkak të uljes së dëshirave dhe sigurimit të ngopjes”, shpjegon Rana.
    “Megjithatë, në përgjithësi, humbja e peshës ndikohet drejtpërdrejt nga aktiviteti fizik dhe deficiti i kalorive.
    Konsumimi i proteinave adekuate mund të bëjë që individët të hanë më pak në përgjithësi për shkak të ndihmës së proteinave për të siguruar një ndjenjë të plotësisë dhe kënaqësisë pas një vakti”.

  • Çaji natyral që ju bën t’u thoni lamtumirë dhimbjeve të kokës, sipas ekspertëve

    Çaji natyral që ju bën t’u thoni lamtumirë dhimbjeve të kokës, sipas ekspertëve

    Dhimbjet e kokës janë të zakonshme për të gjithë. Nga tensioni i përditshëm deri te migrena, gjetja e një lehtësimi efektiv mund të jetë sfiduese. Megjithatë, studimet e fundit kanë nxjerrë në pah një ilaç natyral që premton rezultate të menjëhershme: çajin e xhenxhefilit (xhinxherit).
    Xhenxhefili është një rrënjë e njohur për vetitë e tij të shumta mjekësore. Përdorimi i tij daton mijëra vjet më parë në mjekësinë tradicionale, veçanërisht në Azi. Ekspertët kanë theksuar se xhenxhefili përmban komponime anti-inflamatore dhe antioksidante që mund të ndihmojnë në reduktimin e inflamacionit dhe lehtësimin e dhimbjes.
    Një studim i kohëve të fundit i botuar në një revistë mjekësore ka treguar se pirja e çajit të xhenxhefilit mund të jetë po aq efektive sa disa ilaçe për trajtimin e dhimbjeve të kokës. Kjo është për shkak të aftësisë së tij për të penguar prodhimin e prostaglandinave, kimikate në trup që kontribuojnë në inflamacion dhe dhimbje.

    Çaji natyral që ju bën t’u thoni lamtumirë dhimbjeve
    Përveç efektivitetit të tij kundër dhimbjeve të kokës, çaji i xhenxhefilit ofron përfitime të tjera shëndetësore:
    Përmirëson tretjen: Xhenxhefili është i njohur për vetitë e tij karminative, duke ndihmuar në lehtësimin e problemeve të tretjes si fryrja dhe gazrat.
    Rrit sistemin imunitar: Vetitë e tij antioksidante ndihmojnë në forcimin e mbrojtjes së trupit.
    Lehtëson të përzierat: është një ilaç popullor për të përzierat.
    Ndërsa është e rëndësishme të konsultoheni me një profesionist mjekësor për dhimbje të vazhdueshme ose të forta, përfshirja e çajit të xhenxhefilit në rutinën tuaj të përditshme mund të jetë një mënyrë efektive dhe natyrale për të luftuar dhimbjet e kokës.